NotForMen

Вашиот сон за раскошни трепки, сјајна коса и чиста кожа може да биде реалност со неколку трикови кои ни ги открија жените ширум светот.

Која е нивната тајна за младешката убавина? Дознајте токму од италијанките, китајките, бразилките и жените од скандинавскиот дел!

Рицинусово  масло за раскошни трепки

Италијанките ја откриваат тајната на долгите и раскошни трепки. Секоја вечер пред спиење на чисти трепки нанесувајте по една капка рицинусово масло. За полесно нанесување користете чиста четка од искористена маскара. По само неколку недели резултатот ќе биде забележлив на вашите очи.

Бел чај за сјајна коса

Познато е дека Китајките изгледаат неверојатно младо со помош на белиот чај кој ја прави нивната кожа чиста и мазна.

Како напиток белиот чај се бори со слободните радикали во организмот кои во најголема мера се заслужни за неубавиот вид на кожата и косата . За сјајна и еластична коса  тие советуваат да додадете една капка масло од рузмарин во една шолја цел чај и да ја исплакните косата.

 

NotForMen препорака: Минерална вода за нега на вашата кожа

 

Песок и кафе за пилинг на телото

Бразилките како средство за пилинг на телото го користат мокриот песок од плажите кој помага не само да ги отстранат мртвите клетки од површината на кожата туку и да ја подобрат циркулацијата на крвта. Тоа е причината поради која маснотиите и целулитот за нив се непознати поими.

Наместо песок можете да искористите морска сол и маслиново масло, советува бразилскиот модел Bar Rafael. Исто така како пилинг средство можете да го искористите талогот од кафето.

Минерална вода за чисто лице

Жените од скандинавскиот дел советуваат минералната вода да ја искористите како тоник за кожата на лицето. Бидејќи содржи корисни микроелементи миењето со минерална вода е одличен начин да ги спречите кожните иритации и да ја хидратирате кожата на природен начин.

Совет од Полска:  Кожата како последица на недостатокот на кислород под неколкуте слоеви облека може да стане сува и да почне да се лупи. За да и помогнете негувајте ја со мед кој ќе го нанесувате на кожата пред туширање или помешан со шеќер ќе го искористите како пилинг средство.

Совет од Индија: Индиските убавици советуваат косата да ја негувате со кокосово масло. Препорачливо е да нанесете масло пред спиење и да го оставите во текот на целата ноќ. Резултатот е помалку кршлива коса.