NotForMen

Не нанесувајте пудра без претходно да нанесете хидратантна крема. Истото важи и за руменилото – нанесувајте го само врз основата од пудра.

Ритуалот за разубавување на вашето лице е вистинско уживање кога имате доволно време. Но што кога времето не е на ваша страна?

Имате само неколку минути за да ги примените триковите за хармонизирање на боите и потезите на вашето лице, но кога ги знаете триковите се оди полесно.

Еве неколку корисни совети кои ќе го олеснат шминкањето, а ефектот на вашето лице ќе го направат неодолив!

Дневна шминка

• Колку и да e масна вашата кожа никогаш не нанесувајте пудра без претходно да нанесете хидратантна крема. Истото важи и за руменилото – нанесувајте го само врз основата од пудра.
• За погусти трепки пред да нанесете маскара трепките поминете ги со пудра со прав. За природен изглед црната маскара заменете ја со темно кафена.
• За свеж изглед очните капаци премачкајте ги со малку вазелин. Истиот ќе ви помогне и при дефинирањето на обликот на веѓите.
• Истакнете ја убавината на вашите усни со кармин во неутрална нијанса. Најпрвин заштитете ги усните со хидратантен балзам, потоа внимателно исцртајте ги контурите на усните со моливче во неутрална боја и завршете со еден слој сјај за усни.

  Вечерна шминка

  • За совршен тен на Т-зоната претходно нанесете коректор. Истото важи и за акните и дамките на кожата, а дури потоа нанесете течна пудра.
  • За да ги истакнете очите одлучете се за две нијанси на сенки, потемна и посветла. Темната нанесете ја на аглите, а светлата под веѓите и на внатрешниот агол од окото.
  • За да исцртате прецизна линија околу окото најпрвин со моливче исцртајте испрекината линија, а дури потоа употребете го тушот.
    Доколку се одлучите за сенка со масна текстура на очните капаци претходно нанесете пудра во прав која ќе го спречи собирањето на сенката.
  • За подолготрајна боја на вашиот кармин најпрвин усните ексфолирајте ги со чиста четка за заби, а потоа нанесете еден тенок слој течна пудра. По нанесувањето на темниот кармин оставете го да се исуши па нанесете уште еден слој.

Еве неколку идеи за совршена шминка:






Не плашете се да комбинирате зелена сенка и црвен кармин. Оваа комбинација на бои е совршена за сите со кафени очи. Доколку се одлучите за масна сенка прескокнете го сјајот за усни.


1 / 5

• 
  22 модели од летниот каталог на Mango
  Полскиот модел Magdalena Frackowiak ја долови младешката безгрижност на колекцијата. ...
• 
  Чантите на Olivia Palermo и збор, два за модата
  Некои дури ја нарекуваат и вистинската Blair Waldorf, а веќе е голема модна икона на Холивуд....
• 
  18 едноставни пролетни комбинации
  Геометриски принтови, патенти, фустанчиња со А-крој, шорцеви и што уште не! ...