NotForMen

За справување со настанатите проблеми потребно е рано откривање т.е. дијагностицирање на проблемот за да можете побрзо да се вратите на квалитетниот сексуален живот.

Научниците од Институтот за здравје и друштвен живот во Америка анализирале податоци од вкупно 1.700 жени на возраст од 18 до 49 години и утврдиле дека дури 43% од жените имаат проблеми со губење на сексуалната желба.

Здравиот сексуален живот е потребен не само заради одржување на брачниот или интимен однос туку најмногу за одржување на здравјето. Сексуалната функција кај жената не се сведува само на гениталните органи. Голема улога имаат и мозокот, внатрешните органи (јајчниците) како и степенот  на тестостерон, сексуални стероиди и естрадиол во вашето тело.

Како причина за намалување на сексуалната желба, покрај нарушените односи со партнерот или хронични заболувања, можат да влијаат и биолошки фактори. Станува збор за срцеви заболувања, гинеколошки и малигни заболувања, проблеми со шеќерот, нервни болести и хормонски нарушувања.

Девојките болни од анорексија или булимија имаат проблеми со нередовен менструален циклус. Проблеми со циклусот може да имаат жени што редовно и напорно вежбаат, што доведува до сувост на вагината и зголемена сексуална дисфункција.

Психолошки фактори што доведуваат до проблеми во сексуалниот живот се: лоши брачни односи, недостиг од приватност, здравствени проблеми или неискреност на партнерот.

Американската фондација за уролошки заболувања има класифицирано 5 фактори кои предизвикуваат сексуална дисфункција.

1.Недостиг од сексуална фантазија. Ова особено се однесува на жените што се загрижени при самата помисла за сексуален однос и затоа воопшто не покажуваат иницијатива.

2.Чувствување одвратност кон сексуалниот чин. Ова се однесува на лица што биле физички или сексуално малтретирани  и одвратноста се јавува како последица на траума.

3.Нарушено сексуално возбудување. Нарушеноста може да биде субјективна или нарушено возбудување со стимулација на гениталиите или комбинација од двете

4.Проблеми при постигнување оргазам. Нарушено стимулирање на гениталиите придонесува за потешко постигнување оргазам.

5. Болка за време на сексуалниот чин. Причина за болката е сувоста на вагината  што ја намалува сексуалната желба кај жената.

• 
  Малку пари, многу секс!
  Посиромашните двојки наместо на скапи вечери во ресторани инвестираат во секс играчки. ...
• 
  Неговата желба - секс на бирото
  Идејата за деловна авантура односно секс на работното место возбудува 44% од  мажите. ...
• 
  Зрелите жени сакаат помалку, но поквалитетен секс
  Дури 40% од жените по менопаузата имаат за 6 пати помала желба за водење љубов. ...