.gif)
Рахитисот влегува во групата болести што ги напаѓаат децата. Недостигот од витамин Д и калциум се причината за појава на рахитис кај вашето малечко уште во првите месеци на развојот. Недоволното изложување на детето на сонце одговорно за создавање витамин Д, може да биде уште една од причините за појава на рахитис.
Според тоа каков дефицит има детето, се издвојуваат типовите на рахитис:
Хиповитамински рахитис - недостигот од калциум и витамин Д е познат како хиповитамински или витамин Д - зависен рахитис.
Д резистентен рахитис - е вродено или стекнато нарушување на метаболизмот. Тој ја одбива апсорпцијата на круцијалните витамини и минерали за коските како витаминот Д, калциумот и фосфорот.
Деца кои се изложени на најголем ризик од оваа болест се:
Оние чии мајки имале недостиг од калциум во текот на бременоста. Во последните месеци од бременоста е потребно зголемување на количеството калциум бидејќи во таа фаза од бременоста зајакнуваат коските на бебето што треба да дојде на свет.
Рахитисот најчесто се појавува зиме. Децата остануваат дома, немаат контакт со сончевата светлина и нема како да го произведат витаминот Д. Во првите зимски месеци се трошат резервите акумулирани во црниот дроб што се наталожиле во текот на летото. Веќе до пролет тие се истрошени и болеста го зафаќа малото.
Децата болни од рахитис ги покажуваат симптомите:
Поголемите деформитети на коските настануваат подоцна и затоа мајките не се во состојба да познаат дека нивното тримесечно бебе веќе е заболено. На почеток бебето е бледо, раздразливо и постојано плаче. Тоа се прифаќа како нормално однесување на секое малечко.
Повидлив показател е мекоста на коските. Коските на бебето со рахитис се премногу нежни и меки. Ако болеста стигне во понапредна фаза се појавуваат деформитети како истурени колена, искривена карлица и деформација на коските на градниот кош.
Промени трпат и коските на главата, главата постепено добива форма на четириаголник. Забите доцна никнуваат и се склони на расипување. Доколку болеста настане во периодот на доење, тогаш детето ќе има проблем да научи да оди, стои или да седи.
За вашето дете да не заболи од рахитис треба:
Редовна прошетка, се препорачува наутро. Особено треба да бидат изложени на сонце лицето и рацете. 15 минути се сосема доволни за да се создаде витамин Д, во периодот кога сонцето е најмалку штетно.
Ако вашето малечко се роди во зимските месеци, тогаш ќе мора да му давате суплементи. Додека се мали им се препишува витамин Д во капки. Знајте дека кравјото млеко не е доволен извор затоа мора да го надоместите малото количество со готов витамин. Консултирајте се со докторот за тоа колку и до кога треба да му давате од капките.
Не избегнувајте да го доите своето бебенце. Еве уште една причина зошто доењето е неопходно. Мајчиното млеко е одлична превенција за болеста со оглед на тоа што содржи витамин Д, калциум и фосфат.
-
Го забрзува метаболизмот, дава енергија, помага во варењето, ја подмладува кожата и што уште не. ... -
Ако носите парфем со младешка нота, тогаш луѓето ќе ве перцепираат како помлади. ... -
Се одржа медиа средба за промоција на антиејџ медицината во поликлиника Др. Ѓоше од Куманово. ...
.gif)
