На некој му се потребни повеќе часови сон за да може нормално да функционира во текот на денот, друг може да помине со помалку. Просечно, за добро здравје на телото и духот се препорачуваат 8 до 9 саати спиење. Денешното брзо темпо на живот ги измести границите. Се поголем е бројот на луѓе кои спијат само по 4 саати. Таквиот факт треба да биде загрижувачки со оглед на негативните последици кои може да се појават.
Синдром на одложување на времето за спиење.
Овој синдром го имаат сите оние луѓе кои ги замениле денот и ноќта. Значи активни се за време на ноќта ,таква им е работата, а денот го користат да спијат. Лошото е во тоа што квалитетен сон се добива во доцните часови. Конкретно тие саати му се потребни на нашиот мозок за да се храни. Ваквиот стил на живот влијае и врз метаболизмот и секако врз социјалниот аспект од животот.
Булимичен сон.
Вака ја нарекуваат експертите, појавата кога луѓето во текот на неделата спијат по 4 до 5 саати, а за викендите надокнадуваат. Тоа навистина е изводливо, но последиците може да бидат фатални. Хроничниот недостаток на сон освен што влијае на метаболизмот може да предизвика појава на низа болести како дијабетис. Недостатокот на сон го споредуваат со вишокот алкохол во крвта. Што значи ако сте ненаспани исто како да сте пијани.
Фактот што една третина од животот го поминуваме во спиење, ни говори за важната улога на овој феномен кој, секоја вечер го обновува нашиот организам. Не се водете по фразата: "не сакам животот да ми помине во спиеење". Никако не смеете да го потценувате спиењето, тоа е пред се биолошка потреба.
