Деловите од денот различно влијаат на човековиот организам според тврдењето на експертите. Нивото на холестерол, крвен притисок, хормони, се разликува од час во час. Тоа влијае на нашето ментално и физичко здравје, од тука се оние утрински тегоби и главоболки секогаш напладне.
Шест часот.
Ризиците за било каков удар се најголеми помеѓу 6 часот наутро и на пладне, според истражувачите од еден универзитет во Чикаго. Затоа се препорачува наутро да се зема богат и здрав оброк.
Седум часот.
Нашиот одбранбен систем е најосетлив во првиот час од започнувањето на денот. Англиските научници ваквата појава ја објаснуваат преку различните нивоа на антитела и кортизол во организмот, во тој период. Имаме намалено ниво на антитела од прв ред и зголемено ниво на кортизол, хормон на стресот кој го слабее имунолошкиот систем. Поради тоа треба да избегнувате напорно вежбање во раните утрински часови, бидејќи вашето тело не е отпорно на вируси и бактерии.
Осум часот.
Италијанските научници заклучиле дека најголеми шанси за срцев удар имате во 8 часот и 24 минути. Ова не значи дека не може да добиете и во друг дел од денот, но ризикот е поголем дури за 70 % во периодот од 8 до 9 часот. Во овој временски интервал најчесто крвниот притисок е повишен, при што дополнително се зголемуваат шансите за срцев удар.
Девет часот.
Овој е можеби најпродуктивниот час од утрото. Човекот тогаш има голема способност за краткотрајно помнење, затоа ова е одличен период за повторување на наученото од вчера, а особено пред испит. Исто така бројот на сперматозоидите е поголем така што полесно може да се зачне дете.
Десет часот.
Нашиот мозок работи со полна пареа само три часа, и тоа од 10 до 13 часот. Затоа ова е идеално време за завршување на покомплицираните обврски и за донесување тешки одлуки.
Дванаесет часот.
Освен навечер, болките се поинтензивни и на пладне. Лекарите најчесто лековите препорачуваат да се зимаат во ова време. Тогаш нивното дејство е најефективно во спречување на болката.
Тринаесет часот.
Лачењето на хормоните е намалено, а тоа резултира со намалена способност за работа и концентрација. Ова ни најмалку не е време за соочување со проблеми и одлуки.
Четиринаесет часот.
Ова е периодот кога ни се приспива на работа. Со цел да се надмине поспаноста и да се соберат сили да се заврши работниот ден, се препорачува попладневно кафе. Кофеинот ќе го разбистри вашиот мозок.
Петнаесет часот.
Време кога имаме најмала концентрација. Обврските кои ги правиме секој ден, кои се повторуваат и кои одбиваме да ги правиме, е најдобро да ги оставите за после 15 часот, бидејќи сте многу малку делотворни. Но, затоа добро ќе ви дојде една партија секс. Бидејќи овулацијата тогаш го достигнува врвот.
Шеснаесет часот.
Соред петгодишното истражување, белите дробови функционираат на незавидно ниво, додека температурата на телото е на самиот врв. Затоа ова е време кога можете да дадете голем физички напор. Пример можете да искачите некој рид или да вежбате.
Деветнаесет часот.
Особено треба да внимавате на исхраната, бидејќи тогаш ви е најголемо нивото на холестерол во крвта. Оние кои треба да учат, периодот од 18 до 20 часот е идеален, бидејќи мозокот тогаш најмногу памти.
Дваесет часот.
Со завршувањето на денот се забавува и работата на организмот. Дигестивниот систем не работи со истата брзина затоа треба да го ослободите од тешка и мрсна храна. Намаленото количество на хормони го прави поосетлив одбранбениот систем. Полесно можете да закачите настинка или некоја алергија.
Дваесет и еден часот.
Мајките кои дојат, во овој перод од денот произведуваат најздраво и најхранливо млеко. Покрај тоа доењето на детето во 21 часот, им овозможува на мајките полесно да ја поминат ноќта со полесен сон.
Полноќ.
Бидејќи телото и нервите се опуштаат се намалува и крвниот притисок. Со тоа се намалува и ризикот од мозочен удар се до утрото. Идеален период за водење љубов поради покаченото либидо и кај двата пола.
