Болеста не манифестира симптоми и знаци и после неколку децении од инфицирањето со вирусот. Од тие причини ја нарекуваат "тивка болест". Мета на хепатитот Ц е црниот дроб.
Заблуда: ако навистина е опасен за здравјето, би почувствувала некакви симптоми.
Вистина: симптомите на хепатитот Ц се благи, а кај 80 % од случаевите воопшто не се појавуваат. Но, тоа што нема манифестација на симптоми не значи дека нема оштетување на црниот дроб.
Заблуда: не мора да се грижам бидејќи би знаела кога би имала хепатит. Само луѓето со историја на ризично однесување треба да подлегнат на испитување.
Вистина: 30 % од луѓето со хроничен хепатит Ц, не знаат како го добиле. Затоа не треба да се двооумите ако сакате да се проверите.
Заблуда: бидејќи болеста е хронична и долготрајна, нема потреба од форсирање на терапијата.
Вистина: според студиите, пациентите со хепатит Ц кои започнале со терапија пред поголемите штети на црниот дроб, подобро реагирале на третманот.
Заблуда: хепатитот Ц не е толку распространет како ХИВ.
Вистина: во некои земји, 4 пати повеќе причина за болест е хепатит Ц за разлика од ХИВ вирусот.
Заблуда: луѓето кои долго време се дрогираат имаат шанси да закачат хепатит Ц.
Вистина: фактот дека сте земале само неколку пати дрога и тоа пред многу години, не ве исклучува од потенцијалните жртви на болеста.
Заблуда: евентуалните несакани ефекти од терапијата се пострашни и од самата болест.
Вистина: споредни ефекти постојат. Но, тие се издржливи за пацинтите. Од друга страна, посериозни споредни ефекти не се појавуваат кај сите пациенти.
Заблуда: инјекцијата како интервенција, мора да се зема 3 пати неделно.
Вистина: интравенскиот интерферон, како стандардна терапија се зема еднаш неделно.
Заблуда: само 40 % од пациетите позитивно реагираат на терапијата.
Вистина: позитивниот ефекти зависат од тоа за каков пациент станува збор. Но, иако терпијата нема да доведе до потполно уништување на вирусот, сепак го намалува воспалението и ја подобрува функционалноста на црниот дроб.
Заблуда: доколку ензимите на црниот дроб се нормални, тогаш ја имам болеста под контрола.
Вистина: иако се тестираат и во многу слуачеви се корисни, нивото на ензимите на црниот дроб не се доволен показател за болеста и нејзиниот напредок.
Заблуда: ако нивото на вирусот на хепатит Ц во крвта е ниско, тогаш болеста не е сриозна.
Вистина: количината на вирусот, сам по себе, не кажува многу за фазите на болеста и здравјето на црниот дроб.
