Забележувате дека се случува нешто чудно со вас. Во последно време се чини дека ви се појавуваат црни точки. Потоа имате чувство на подуеност, иако не сте во ПМС. Малку се загрижувате и се прашувате што би требало тоа да значи и дали треба да го посетите лекарот. Наскоро симптомите ви поминуваат, но многу брзо повторно се појавуваат. Или воопшто не поминуваат. Сега веќе сте загрижена. Не знаете што да му кажете на својот лекар затоа што сето ова ви се чини не доволно сериозно.
Можете слободно да се релаксирате. Еве објаснување на неколку незгодни и тешко објасниви симптоми што често ги мачат младите жени. Со помош од медицински експерти дојдовме до неколку изненадувачки, но утешни објаснувања. Нашето тело секојдневно покажува знаци според кои можеме да оцениме како се чувствуваме, но понекогаш не е лесно да ги протолкуваме. Затоа напишавме неколку од најчестите симптоми што се појавуваат кај младите жени:
Црни точки, дамки и линии пред очи
Дали некогаш сте забележале дека пред вашето видно поле се појавуваат темни точки, линии или дамки кои особено добро се гледаат кога гледате во светла заднина или сте на сонце. Тие точки се сосема безопасни иако може да бидат многу здодевни. Не можете да ги тргнете, но можете да се научите да ги игнорирате - тие со времето избледуваат, па ќе престанете да ги забележувате.
Зошто не добивте менструација овој месец?
Ако двапати по ред не сте добиле менструација, а сигурно не сте трудни, најверојатно сте под голем стрес. Напнатоста може да ја запре овулацијата, а без овулација нема ни менструација. За да се вратите во нормала, ќе биде добро да ги намалите работните и друштвените обврски и да најдете малку време за себе. Друга причина за недобивање менструација може да биде претераното физичко вежбање или недоволното внесување калории во организмот. Вашиот индекс на телесни масти најверојатно не е доволно висок за да овулирате. Престанете да го исцрпувате своето тело!
Градите ви се полни со грутки
Ако напипате повеќе подвижни грутки на двете дојки, обично станува збор за фиброцистични промени. Тоа е безопасна и вообичаена состојба и значи дека вашите гради имаат цисти полни со течност. Тие често се појавуваат и се најзабележливи пред менструација, кога поради хормоналните промени потекува целото тело. Намалете го консумирањето кафе, чај, чоколада и „кока-кола" - тие се полни со кофеин кој предизвикува задржување на течностите во организмот. Избегнувајте брза храна и грицки бидејќи исто така влијаат врз задржување на течностите во организмот, поради што доаѓа до појава на овие грутки.
Кога ќе станете нагло, ви се чини дека ќе се онесвестите
Чистевте со правосмукалката под троседот, а кога се исправивте, одеднаш ви се сврте во главата, па моравте да се придржите за масата. Можеби едноставно сте дехидрирале. Дехидратацијата предизвикува паѓање на притисокот, а кога тој паѓа, можете да добиете лесна вртоглавица. Осум чаши дневно е добар почеток, но исто така би било добро со секој оброк да земате храна која содржи течности како на пример супа, зеленчук и овошје. Ако симптомите се појавуваат секојпат кога ќе станете од креветот или, пак, ако се онесвестите, мора да одите на лекар. Можеби се работи за анемија, а во многу ретки случаи овие симптоми може да укажуваат и на срцеви проблеми.
