ТЕЛОТО И ВОДАТА:
Водата е основната состојка од која е изграден организмот. 75 % од тежината на човекот е всушност вода.
ШТО Е ДЕХИДРАЦИЈА?
Дехидратацијата се случува кога количеството вода што излегува од телото е поголемо од тоа што го внесуваме. Динамичноста на телото се менува и понекогаш е преголема за организмот.
Рутински губиме вода додека: дишеме, се потиме, уринираме. Тоа значи дека дневно е потребно значајно количество вода за да се надомести ваквата рутинска загуба.
ПРИЧИНИ ЗА ДЕХИДРАЦИЈА:
ДИЈАРЕЈАTA е најчестата причина поради која човекот губи значајно количество вода. Освен што е непријатна, честата посета на тоалетот е опасна за човековиот живот. Во светски рамки, повеќе од 4 милиони деца годишно умираат од дехидрација предизвикана од агресивна дијареја.
ПОВРАЌАЊЕТО е уште еден начин на празнење на стомакот, а со тоа и на водата. Повраќањето е полошо од дијарејата, бидејќи празнењето доаѓа директно од несварената храна во стомакот. Надоместокот на загубата оди потешко бидејќи најчесто се губи апетитот, желудникот станува чувствителен и не е во состојба да поднесува течности.
ПОТЕЊЕТО е начин за телото да се ослободи од топлината, но при тој процес се губи многу вода. Телото премногу се загрева доколку работите или вежбате на топло време или ако кренете температура. За да му помогнете на телото да се олади со помош на водата, пијте што повеќе течности.
ОДБИВАЊЕ ТЕЧНОСТИ е честа причина присутна и кај нас. Некои луѓе пијат многу малку вода и гледаат да ја заменат со сок. Мора да создадете навика да пиете чиста вода бидејќи понапорните денови може да ве остават дехидрирани.
