Причината за големата стапка на умрени од срце, лекарите ја поврзуваат со несовесноста на луѓето
НАРУШУВАЊЕ НА СРЦЕВИОТ РИТАМ...
Аритмијата е поим што опфаќа и забрзано и забавено чукање на срцето. Доколку срцето чука бавно (помалку од 60 отчукувања во минута) тогаш говориме за БРАДИКАРДИЈА. Но, ако срцето чука премногу брзо (повеќе од 100 отчукувања во минута) тогаш говориме за ТАХИКАРДИЈА.
Некои аритмии се безопасни, и имаат мала клиничка значајност. Но има и такви што може да бидат заканувачки по животот на човекот, особено кај пациентите со срцево оштетување, пушачите, зависниците од кофеин, болните од анемија...
СИМПТОМИ ШТО НЕ СМЕЕТЕ ДА ГИ ИГНОРИРАТЕ!
Причината за големата стапка на умрени од срце, лекарите ја поврзуваат со несовесноста на луѓето. Да бидеме реални, дали кога ќе почувствувате болка во градите одите на проверка? Поголемиот број од вас ќе си речат: „Само сум уморна, не ме боцка срцето, тоа е само мускулот!" Не треба да чекате да доживеете срцев удар за конечно да се освестите дека сепак имате срцев проблем. Симптомите варираат од човек до човек и не секогаш се интензивни како што луѓето најчесто мислат.
ВОЗНЕМИРЕНОСТ...пред да се случи срцевиот удар, лицето почнува да чувствува внатрешно треперење и страв од ненадејна смрт.
БОЛКИ ВО ГРАДИТЕ...класичен симптом што секогаш го бараме. Но не секоја болка во градите е поврзана со срцето. Срцевата болка најсилно се чувствува под градната коска, во левиот центар. Пациентите имаат чувство како слон да седнал врз нивните гради. Понекогаш болката се манифестира и со поблаг притисок или чувство на оган во градите.
КАШЛАЊЕ...кашлањето и бревтањето се уште еден показател за аномалија на срцевата работа - резултат на акумулација на течности во крајниците. Се случува, болните од срце да искашлуваат крвав шлајм.
ВРТОГЛАВИЦА...губењето на свеста и чувството за рамнотежа е карактеристично за скоро секоја аритмија на срцето.
ЗАМОР...после срцевиот удар, пациентите имаат само желба за спиење. Но, константниот умор и чувството дека ќе се онесвестите во секоја секунда, се показател дека можеби срцето не работи нормално. Затоа не живејте со претпоставки, туку појдете на лекар.
НАМАЛЕН АПЕТИТ...вообичаено луѓето со срцеви проблеми да имаат болки во стомакот, па дури и да повраќаат. Потекувањето на абдоменот во комбинација со заиграното срце несомнено ја намалува желбата за храна.
БОЛКИ ВО ДРГУГИТЕ ДЕЛОВИ ОД ТЕЛОТО...болката од телото многу брзо се пренесува на рамената, рацете, вратот, грбот, па се до абдоменот. Понекогаш овие болки си појавуваат и си заминуваат и без болка во градите. Мажите најчесто чувствуваат болка во левата рака, додека жените или во двете раце или нa лопатките помеѓу рамената.
ЗАБРЗАН И НЕРАМНОМЕРЕН ПУЛС...лекарите велат дека нема место за паника ако понекогаш срцето заигра. Но забрзаниот пулс, проследен со вртоглавица, општа слабост, недостаток на воздух...е очигледен симптом за срцева аритмија или удар. Доколку ги игнорирате ваквите аритмии, се изложувате на опасност од удар или ненадејна смрт.
НЕДОСТАТОК НА ВОЗДУХ...чувство како да сте истрчале цел маратон, а всушност не сте станале од кревет. Недостатокот од кислород не секогаш е проследено и со болки. Тоа е карактеристично кај срцевите аномалии, симптомите не се строги поврзани.
ПОТЕЊЕ...седите пред компјутер и одеднаш ве облива ладна пот.
ПОТЕКУВАЊЕ...аномалиите на срцето често предизвикуваат акумулирање на течностите во организмот. Поради тоа се појавува потекување (најчесто на стапалата, нозете, зглобовите, абдоменот) како и ненадејно зголемување на телесната тежина и покрај намалениот апетит.
