Пред извесно време зборувавме за изворите на алергија во домот, тогаш и дадовме дефиниција за алергијата, но колку за потсетување ќе повториме дека алергијата настанува во моментот кога преку носот, белите дробови, цревата или кожата, во организмот ќе навлезат алергени (надворешна супстанца). Кај некои луѓе отсуствува реакцијата, но кај чувствителните лица веднаш се јавува алергиска инфекција.
РАЗЛИЧНА АЛЕРГИЈА РАЗЛИЧНИ СИМПТОМИ
Генерално симптомите се различни. Може да се јават на кожата, таа станува подложна на појава на дерматитис, егземи, осип и јадеж...цревата стануваат чувствителни...може да се јави кивавица...кашлање...потешкотии со дишењето.
ОСНОВНИ ТИПОВИ НА АЛЕРГИЈА:
АЛЕРГИЈА ОД ПОЛЕН
Проблемот е во тоа што луѓето не може целосно да се изолираат од поленот, освен ако заминат некаде на море.
Временска рамка: се јавува на крајот на зимата и почетокот на пролетта или поточно во месец февруари.
Мета на напад: дишните патишта.
Симптоми: воспалување на носната слузница, појава на оток и црвенило, излачување на поголема количина слуз. Може да дојде и воспалување на слузницата на грлото и мекото непце, проследено со солзење на очите и отежнато дишење.
Третман: лекувањето се одвива преку медикаменти и инјекции, но конкретен лек не постои. Проблемот е во тоа што луѓето не може целосно да се изолираат од поленот, освен ако заминат некаде на море или редовно да носат заштитна маска.
АЛЕРГИЈА ОД ХРАНА
Алергијата од храна се открива преку алерготест.
Временска рамка: недефинирана, може да се јави во било кое време.
Мета на напад: дигестивниот систем или кожата.
Симптоми: осип, чешање, отоци на кожата, повраќање, дијареа. Може да дојде и до хронично заболување: главоболки, ринитис, дерматитис, констипација, отоци, абдоминални болки.
Третман: елиминирање на храната што ја предизвикува ваквата состојба. Тоа се открива преку едноставен алерготест. По елиминирањето на ваквите намирници, после 2 месеци, повторно се враќаат на менито, но во мали дози. Најдобро е да се јадат зготвени, температурата до некаде ги уништува алергените.
АЛЕРГИЈА ОД МЕТАЛИ
Парите се уште една причина за алергија.
Временска рамка: недефинирана, може да се јави во било кое време.
Мета на напад: кожата.
Симптоми: иритација на кожата, осип, дерматитис, а може да предизвика и дишни потешкотии, гастритис и хроничен колитис.
Третман: избегнувајте конзервирана храна, не гответе во метални садови, избегнувајте контакт со предмети како ножици, пари, фарби за коса, патенти... од храната најмногу никел има во морските плодови, кикирики, суво грозје, квасец, спанаќ, домати, грашок...
