КОЖА
Ако кожата почне да се лупи вез некоја посебна причина, стане премногу сува и почне да ве чеша, тогаш може да се работи за лишаи. Лишаите се појавуваат речиси на секој дел од телото, но најмногу на лактите, зглобовите и зад колената. Во ретки случаи, ваквите симптоми укажуваат на проблеми со бубрезите.
Ако кожата почне да ја менува бојата и добие жолта или портокалова нијанса, тоа значи дека сте претерале со внесување храна богата со бета каротен (моркови, портокали и други намирници со оваа боја). Но, пожолтената кожа може да биде и знак за проблеми со бубрезите или појава на жолтица. Затоа најдобро е да се обратите на лекар.
Ако кожата стане нечиста, во смисла нагло да се појават акни и митесери, тогаш може да се работи за тегоби во желудникот, циста на јајници или воспаление на мочниот меур. Освен дерматолог, закажете преглед и на гинеколог.
ВЕЃИ
Доколку веѓите се проречат или почнат да паѓаат, тогаш дошло до проблем со лачењето на штитната жлезда, бидејќи таа го произведува хормонот одговорен за растење на влакната. Доколку навистина се работи за тој проблем, дополнителни симптоми што се јавуваат се: исушена кожа, намалена тежина и постојано чувство на замор.
ОЧИ
Доколку забележите црвенило или истакнати капилари на белката во окото, тогаш сигурно станува збор за некоја инфекција. Задолжително фрлете ја шминката постара од 6 месеци. Доколку ситуацијата не се подобри за неколку дена, обратете се на лекар.
Црните подочници може да сигнализираат анемија, а истото го означуваат и белите капаци што ја изгубиле својата розеникава боја. Бледиот тен е знак дека дошло до недостаток на црвени крвни зрнца. Ваквиот проблем се решава со здрава исхрана и зголемување на железото во крвта. Уморните и спуштени капаци се резултата на предолго изложување пред компјутер.
Ако окото почне да игра, тогаш станува збор за зафатен нерв или мускул што обично настанува ако се изложувате на провев.
УСТА
Крвавењето на непцата во устата може да настане како резултат на лоша орална хигиена или некое воспаление. Лошата исхрана, преголемото количество алкохол, нечистата храна...може да влијае на промена на непцата. Крвавењето истовремено може да означува и бременост бидејќи хормоналните промени го слабеат месото. Во многу ретки случаи може да означува и заболување од леукемија.
Доколку забележите дека забите стануваат потенки и помалку остри, можеби имате проблем со стружење на забите во сон. Некои луѓе ги стружат забите додека јадат, други кога се загрижени, а некои додека спијат. Ваквиот проблем не само што ги слабее забите, туку често создава главоболка и болки во вилицата. Посетете го вашиот заболекар, а можете и да носите заштита за заби во текот на ноќта.
УСНИ
Испуканите и исушени усни често се знак на анемија поради недостаток на железо. Но, тоа може да биде и знак за дијабетес ако покрај нив, забележите намалување на тежината и често мокрење.
Бледите усни исто така се знак за недостаток на железо, но и за срцеви или проблеми со белите дробови. Поради нив се намалува протокот на кислород во крвта.
