Секој човек има развиено низа навики на однесување со предметите во домот, особено во делот на кујната. Но, тие навики понекогаш чинат здравје. Начинот на кој функционирате низ куќата има големо влијание врз вашето краткорочно и долгорочно здравје. Токму од овие причини ви ги претставуваме 4-те лоши навики што може да ве разболат:
УПОТРЕБА НА СУНЃЕР ЗА МИЕЊЕ САДОВИ!
Највалканото место во секој дом е кујната. Главната причина за тоа е фактот што луѓето готват месо. Животинското месо е најголемиот носител на бактеријата E. coli, салмонела и други бактерии. Истите овие бактерии и други типови микроби се закачуваат за сунѓерот - нашето оружје за светнување на кујнските површини садови. Додека вие мислите дека со триењето на лавабото одржувате хигиена, бактериите дополнително се шират со ваша помош.
РЕШЕНИЕ: пред употреба на сунѓерот за чистење на површините, потопете го во белило (варикина) и вода. Ова е најевтиниот и најефикасен начин за да направите дезинфекција на сунѓерот. После секоја употреба, оставете го добро да се исуши, а еднаш во неделата зовријте го во средство и вода.
УПОТРЕБА НА СМУКАЛКА
Смукалката е одлична за собирање на трошките и ѓубрето што се гледа на површината на теписонот. Но, истото не важи за честичките прашина. Забележете колку прав паѓа врз мебелот откако ќе го поминете теписонот со смукалка. Домашната прашина е најчеста причина за предизвикување алергија и астма.
РЕШЕНИЕ: од прашината во домот нема спас, но воздухот е почист доколку се ослободите од теписонот и наместо него ставите ламинат. Смукалката на вода е уште едно решение, а најдобро е еднаш во неделата да го тресете теписонот надвор.
УПОТРЕБА НА ИСТА ПЕРНИЦИ И ДУШЕК
Во просек, секој човек ослободува 1.5 милиони мртви клетки од кожата на час. Овие клетки завршуваат во душекот и перниците на кои спиете и со текот на времето се претвораат во паразити. Ако ова не беше доволно грозно, еве уште еден погрозен факт - на секои 10 години, душекот станува дупло потежок како резултат на задржаните влакна од коса, влакна од алишта, прав, влакна од животни, хемикалии, бактерии, спори, инсекти... После 5 години, 10% од тежината на перницата оди на насобраниот прав. Токму ова вие го вдишувате секоја вечер.
РЕШЕНИЕ: сменете го душекот и перницата штом им помине рокот на траење. Задолжително користете специјални навлаки што не дозволуваат продирање на штетните честички и истите перете ги секоја недела на температура од 95 степени.
ПРЕТЕРАНО СЕДЕЊЕ ПРЕД ТЕЛЕВИЗОР
Седењето пред телевизор додека се насладуваме со омилените слатки или грицки, стана и наша омилена навика што ја презедовме од Американците. Научно е докажано дека тогаш индивидуата паѓа во еден вод транс и станува несвесен за калориите што ги внесува. Со други зборови, причина број еден за дебелеењето е јадење пред телевизор и компјутер. Ваквата навика го зголемува ризикот од срцеви заболувања, рак, артритис и многу други состојби.
РЕШЕНИЕ: исклучете го телевизорот, фрлете го чипсот и излезете на прошетка!
