Ако сексот е единствената активност која му дава смисла на вашиот живот, тогаш големи се шансите да сте зависни.
Темите кои се поврзани со сексот секогаш биле комплексни. Сите луѓе сме различни и секој на свој начин ужива во сексуалниот однос. Но, што ако кај вас желбата е преголема? Што ако размислувате само за секс? Имате односи, а пак не сте задоволени? Чувствувате дека нешто не е во ред со вашите сексуални апетити? Го користите сексот за да ги решите секојдневните проблеми? Откријте го одговорот на сите овие прашање и дознајте на кој начин е најдобро да ја излечите зависноста од сексот.
ШТО ЗНАЧИ ЗАВИСНОСТА ОД СЕКС?
Силната потреба за секс не мора да означува дека вие сте зависни од секс. Сите луѓе имаат различни потреби и различно либидо. Некои луѓе понекогаш чувствуваат силен сексуален нагон, други се асексуални, а трети му даваат огромно значење. Проблемот настанува кога животот ќе почне да ви се врти околу сексот. Повеќето секс експерти кажуваат дека проблемот се препознава кога непрекинато се бара секс и кога без него не може да се живее.
Тоа, секако дека не подразбира нормална потреба на секс, туку состојба во која една личност ќе почне да ги решава секојдневните проблеми со секс. Ваквиот секс не донесува среќа, туку означува исполнување на некоја внатрешна празнина. Зависни сте од секс само кога опседнатоста ќе почне да ви го уништува секојдневниот живот.
КАКО ДА ЈА ПРЕПОЗНАЕТЕ ЗАВИСНОСТА ОД СЕКС?
Размислувањето за секс или честото експериментирање не претставува зависност. Зависност е тогаш кога личноста нема да може повеќе нормално да функционира.
ПО ШТО МОЖЕ ДА СЕ ПОЗНАЕ?
- компулсивно мастурбирање;
- незаситна желба за секс (повеќе пати дневно);
- претерано уживање во порнографски содржини;
- секс со непознати личности.
Станува збор за зависност која го диктира животот на поединецот. Според клиничката психологија се смета дека зависноста од секс е многу комплексна тема. За некого ако има 3 пати секс дневно е сосема вообичаено, додека на друг му изгледа ненормално. Проблемот настанува кога сексот станува единствен начин на забава - единствено нешто што ве весели.
КАКО ДА СЕ БОРИТЕ ПРОТИВ ЗАВИСНОСТА ОД СЕКС?
Ако имате чувство дека сексот е единствената активност која му дава смисла на вашиот живот и ако без сексот сте несреќни, тогаш големи се шансите да сте зависни. Вашите чувства би требало да ги споделите на партнерот или пријателките. Можете да се одлучите и за разговор со терапевт, особено ако чувствувате дека сексот ви го презел животот. Веројатно ќе морате да го рефлектирате својот живот и да признаете дека не сте среќни во своја кожа.
