NotForMen

Повторно таа иритирачка појава, која знае да ве извади од кожа неколку пати во текот на годината. Засипнатиот глас што може дури и да се изгуби и кашлањето се резултат на настинка, напрегање на гласните жици или вдишување на чад.

Причини за појава

Хроничното воспаление на грло може да биде предизвикано од пушење, претерано консумирање алкохол, од чести повраќања како кај булимија итн.

Воспаление на грлото (фарингитис) може да биде предизвикано од вирусна инфекција, со дехидрација, со напрегање на гласните жици и викање или да е еден од првите симптоми на други инфективни болести. Исто така може да биде резултат од инфекција, воспаление или зголемување на крајниците.

Едноставното воспаление на грлото најдобро се лекува со домашни лекови, кои неретко се многу поефикасни од оние кои ќе ви ги препише докторот.

Домашни лекови

Најдобар пријател на грлото е водата. Многу е важно секој ден покрај останатите напивки да пиете 4 до 6 чаши вода. Еден од најблаготворните лекови е топла вода со лажичка мед и сок од половина лимон.

Исто така добро е да имате тегла мед во која е додадено околу половина главица лук, бидејќи лажичка или две од оваа смеша неколку пати на ден ќе помогне кај фарингитис и кај ларингитис.

Тенок памучен пешкир натопен во студена вода и исцеден, завиткан околу вратот и грлото, се држи 20 минути 3 пати дневно.

Кога имате акутно воспаление на грлото, особено ако е пропратено со температура, интензивно земање овошје и овошен сок ќе го зголемат имунитетот и ќе обезбедат хранливи состојки што го лекуваат грипот, а се неопходни и за слузницата во грлото.

Пијте многу сок од ананас и лимон, растворени во вода.

Јадете доста авокадо заедно со секакво егзотично овошје, како што се ананас, папаја и манго.

Ако ви се пропишани антибиотици, обидете се да земате свеж јогурт, за да ја задржите цревната флора.

Во случај на постојани напади на ларингит, консултирајте се со стручњак како да го користите ефикасно гласот, а да не ги напрегате гласните жици. Исто така користете смирувачки, јаки и антисептички растенија за плакнење на устата како жалфија, рузмарин, мајчина душичка и ехинацеа.