NotForMen

Уретрата кај жените е пократка, па бактериите многу полесно продираат до мочниот меур.

Повторно ви се појавија тие иритирачки симптоми. Стресот и антибиотиците можат само негативно да влијаат на ситуацијата. Затоа помогнете си себе и земете чај од брусница.

Симптоми

Уринарните инфекции се воспалителни промени на мочните патишта кои се манифестираат со чувство на печење, чешање и болка за време или по уринирањето. Покрај овие симптоми, често се јавува и промена на бојата и мирисот на урината, а при потешки инфекции можна е и појава и на крв во урината.

Дури 80 проценти од уринарните инфекции се предизвикани од бактеријата Ешерихија коли, која е дел од нормалната цревна флора. Градбата на оваа бактерија и овозможува да се прицврсти на ѕидот на мочниот меур и да предизвика непријатна инфекција. Жените се поподложни на воспаленија на мочните патишта.

Статистики

Според статистичките податоци 25 проценти од жените барем еднаш во животот заболуваат, а често се случува инфекцијата да се повтори три до пет пати годишно.

Превенција

Лицата кои се подложни на уринарни инфекции треба да посветат посебно внимание на превенцијата. Особено е важно да се спречи повторната појава на инфекција, затоа што честата употреба на антибиотици предизвикува отпорност на бактериите на овие лекови.

Препаратите од брусница можат да бидат од голема помош за ублажување на симптомите од уринарната инфекција.

Лековитите својства на брусницата ги познавале и старите народи, а нејзината ефикасност против заболувања на уринарниот тракт се потврдени од многу научни истражувања.

Лековитите црвени плодови содржат природни полифеноли, од кои најзначаен проантоцијанидот. Тој оневозможува припојување на бактериите на ѕидовите на мочните патишта, го спречува нивното задржување во урината и го подобрува излачувањето на урината. На овој начин се намалува можноста за развој на инфекција.

Интересен факт

Честите стресни ситуации доведуваат до зголемено лачење на хормоните на стресот, што има влијание врз имунолошкиот систем на човекот и подложноста на уринарни инфекции.

Жените почесто страдаат од овој тип на инфекции во однос на мажите заради разликите во анатомската градба на уринарните органи. Уретрата кај жените е пократка, па бактериите многу полесно и побрзо продираат до мочниот меур.

При ослабување на имунолошкиот систем на организмот на жената се нарушува вагиналната флора што го олеснува развојот на бактериски, габични и вирусни инфекции.