.gif)
Ненавременото снабдување на мозокот со кислород е одговорен за главоболките.
Познатото чувство на главоболка и оваа вечер сака да ви ги украде силата и времето.
Можеби обврските кои ги имавте во денот не оставија простор за да ја почувствувате главоболката, но затоа вечерта, штом се олабавивте, се вклучи нејзиниот аларм од кој немате мир многу често.
И пред да посегнете по таблетите против болка, треба да обрнете внимание на околностите. Обидете се да ги откриете и избегнете причините за честите болки, кои може да бидат последица неправилна и нередовна исхрана, на штетните навики, како и надворешните фактори.
Неправилна исхрана
Масната храна може да биде причина за главоболка кај многу жени. На пример, сирењето, чоколадите, газираните пијалаци, како и други продукти со висока масленост, содржат големо количество на холестерол кој е штетен за високиот крвен притисок. Затоа при наклонетоста кон зголемен притисок кој води до главоболки подобро е на се одлучите за храна без масти.
Глад
Кога мозокот не ги добира потребните количини на хранливи материи, се јавуваат зачестени и силни главоболки.
Вишок на течности
Притоа, не е пресудно количеството на течности во организмот, туку нејзиното правилно распоредување во клетките и меѓу клеточниот простор.
Вишокот на течности во организмот го зголемува внатрешниот притисок како последица на што се јавува главоболка.
Витамини
Причина за главоболка може да биде преголемата внесена доза на витамини, притоа најопасен е вишокот од витамините од групата Д.
Зголеменото ниво на калциум во крвта исто така може да биде причинител на главоболка.
Стресот и секојдневни штетни навики
Реакцијата на стрес е индивидуална и зависи од видот на нервниот систем. Главоболката е еден од последиците од стресот кај анкциозните луѓе.
Негативното влијание на стресот може да има и задоцнете реакција, затоа елиминирајте го стресот навреме!
Алкохол
Алкохолот може да биде причина за појава или зголемување на главоболката.
За жените препорачлива доза на ден е една чаша коњак или водка, додека пак шампањското, ликерот и сувите вина не се препорачуваат за оние кои се чувствителни на главоболка.
Цигари
Никотинот и смолата кои се содржат во цигарите ги оштетуваат крвните садови, поради што крвта побавно стигнува до мозокот. Ненавременото снабдување на мозокот со кислород одговара за главоболките.
Од другите секојдневни навики, одговорни за вашата главоболка може да бидат премореноста и недоволниот сон, неудобна поза за време на работата, премореност на органите за вид, предменструалниот синдром или сексуалната апстиненција.
Екстремни температури и други надворешни фактори
Не се препорачува долго изложување на сонце, а доколку морате тоа нека биде повод за носење на шапка или шешир за да ја заштитите главата. Истото се однесува и за ниските температури, само што изберете топла шапка.
Мириси
Понекогаш може да се случи и најскапите парфеми да предизвикаат главоболка. Реакцијата на миризбите е индивидуална. На пример, некој реагира на миризбата од бензин.
Неудобни аксесоари
Доколку шнолата или венчето за коса, или пак очилата за сонце ви се нудобни, тие притискаат на рефлекторните точки на главата и предизвикуваат главоболка. Истото се однесува и доколку планирате ноќта да ја поминете со виклери на косата.
Медицинските експерти препорачуваат задолжително консултирање за таблетите кои ги примате против главоболка. Во домашни услови, како брзи решенија за главоболка ќе ви помогнат топли и ладни облоги , а народната медицина советува да ставите лист од свежа зелка на челото.
-
Го забрзува метаболизмот, дава енергија, помага во варењето, ја подмладува кожата и што уште не. ... -
Ако носите парфем со младешка нота, тогаш луѓето ќе ве перцепираат како помлади. ... -
Се одржа медиа средба за промоција на антиејџ медицината во поликлиника Др. Ѓоше од Куманово. ...
.gif)
