.gif)
Гледате пар прекрасни сандали во вашата омилена продавница и ги оставате веднаш штом ќе ја видите цената.
Девојки, од денес започнете да се обраќате себе си како на некој многу близок пријател! Повеќето од вас ни во сон не би се осмелиле на некој што го обожаваат да му ги изговорат работите, кои си ги изговараат себе.
Здравјето се гради пред се врз темелите на добрите мисли, позитивната енергија и самодовербата. Затоа веднаш ставете забрана на овие 3 фрази во вашиот речник.
„Многу ми е жал“
Ситуација: Случајно се допревте до некого во лифтот или поставувате прашање на голем состанок или предолго го барате паричникот во чантата за да и платите на касиерката во маркетот. И тогаш велите „Извини... Многу ми е жал“.
Преголемото извинување за ситни, непотребни работи може многу негативно да влијае на вашата самодоверба бидејќи вие всушност велите „Не сум важна“, тврди доктор Bennet.
Следниот пат, кажете: Едноставно не кажувајте ништо! Прегризајте го јазикот и зачувајте ги тие извинувања за дела кои навистина ги заслужуваат.
„Ох, под стрес сум“
Ситуација: Зјапате во 68 непрочитани мејлови во вашето сандаче или пак во вашата листа на задачи од 3, па и повеќе страници и се фаќате за главата во очај.
Со вашите мали зборови искажувате неспособност. Понекогаш работата е се или ништо и изјавите од ваков тип само ве притискаат надолу. Направете чекор наназад и погледнете уште еднаш на ситуацијата. Ќе сфатите дека не се распаѓате, туку потребна ви е само мала помош и добра организација. Вие сте само човек и можете да направите само една работа во моментот! Ослободете се од стресот!
Следниот пат, кажете: „Чувствувам предизвик сега.“ Ова го поставува вашиот ум во состојба на барање решение и ќе сфатите што треба да сторите за да продложите напред.
„Не можам да си го дозволам ова“
Ситуација: Гледате пар прекрасни сандали во вашата омилена продавница и ги оставате веднаш штом ќе ја видите цената. Или доживувате шок кога ќе појдете во туристичката агенција и агентот ќе ви каже колку чини резервацијата за вашиот годишен одмор во Египет, кој одамна го посакувавте.
Кога ја користите фразата „не можам“ се однесувате како да сте надвор од контрола на сопствената ситуација и ги ограничувате вашите можности. Најверојатно, со малку креативност и напор ќе пронајдете начин да ги купите тие сандали или да појдете на патувањето.
Следниот пат, кажете: „Одбирам да не ги трошам моите пари на тоа сега.“ Ова ви дава опција да одберете како ќе ги трошите вашите пари подоцна и бура на идеи како да го обезбедите посакуваниот буџет. И тоа што не можете - можете!
-
Го забрзува метаболизмот, дава енергија, помага во варењето, ја подмладува кожата и што уште не. ... -
Ако носите парфем со младешка нота, тогаш луѓето ќе ве перцепираат како помлади. ... -
Се одржа медиа средба за промоција на антиејџ медицината во поликлиника Др. Ѓоше од Куманово. ...
.gif)
