.gif)
Скокајте на јаже 5 минути наутро, направете прошетка од 10 минути за време на ручекот и одете на 15 минути возење со велосипед.
Застрашувачки бројки на заболени од рак го тресат светот. Почнете навреме превентивно да делувате за намалување на ризикот од оваа чума. Изгаснете ја цигарата, намалете на алкохолот, внимавајте на исхранатa и вежбајте.
Еве што ви препорачуваат експертите:
ЗОШТО?
Истражувањата покажуваат дека и пасивното пушење, па дури и чадот од цигарите на облеката или мебелот може да бидат фактор плус за заболувањето од рак.
ЗАТОА!
Поставете правило дека никој не смее да запали цигара во вашиот дом или автомобил, никогаш!
ЗОШТО?
Пиењето на премногу сечени вотки во петокот вечерта може да ви остави многу поголеми последици од неподносливиот мамурлак. Алкохолот активира одредени сигнали во ќелиите кои го забрзуваат прогресот и ширењето на ракот на градите и дебелото црево, покажа истражувањето на Rush University Medical Center.
ЗАТОА!
Вие како жена треба да се ограничите на еден алкохолен пијалак, и тоа 150 милилитри вино, 360 милилитри пиво или 45 милилитри ликер или помалку. За да си помогнете во придржувањето кон овие мерки купете си сервис од помали чаши за вино и многу мали за ликер, во кои ќе можете да мерите и кога си правите коктели.
ЗОШТО?
Околу 20 проценти од смртните случаи од рак кај жените се поврзуваат со проблематичната тежина, што може да предизвика појава на рак, но и побрза смрт од истиот.
Прекумерната тежина предизвикува вашето тело да произведува естроген, кој може да го поттикне развојот на клетките заболени со рак кај некои жени.
ЗАТОА!
Пратете ја вашата тежина благовремено! Една студија на Harvard University покажа дека возрасен човек се здебелува за околу 8 килограми во текот на 20 години. Помфритот, чипсот и слатките работи се најголемите предизвикувачи. Обрнете внимание!
ЗОШТО?
Без разлика дали пешачите, вртите хулахоп или играте како Lady Gagа, потете се секој ден! American Cancer Society препорачува најмалку 30 минути умерено или брзо одење, енергично трчање, аеробни вежби 5 или повеќе дена во неделата за намалување на ризикот од рак.
Кардио вежбите го намалуваат естрогенот, тестостеронот и нивото на инсулин, кои кога се високи се ризични фактори за рак, објаснуваат експертите.
ЗАТОА!
Направете си го забавно вежбањето! Скокајте на јаже 5 минути наутро, направете прошетка од 10 минути за време на ручекот и одете на 15 минути возење со велосипед после работа.
ЗОШТО?
Знаете дека дневната крема за заштита од сонце е задолжителна! Секоја година на околу 30.000 Американки им е дијагностициран меланом, најсмртната форма рак на кожата.
ЗАТОА!
Користете крема со заштитен фактор 30 секое утро и ако сте изложени директно на сонце обновувајте ја на секои 2 часа.
ЗОШТО?
Слободно навлечете се на јагоди! Тие ќе ви го намалат ризикот од рак. Истражувачите открија дека некои состојки во храната се борат против ракот со превенција на промените во ќелиите до стопирање на протокот на крв во клетките заболени од рак.
ЗАТОА!
Како генерално правило поставете си секој ден да изедете две шолји и половина од разновидно овошје и зеленчук, а не во вашата диета да вметнувате вештачки антиоксиданти и слично. Јадете риба и грав на пример.
Консумирањето црвено месо повеќе од 540 грама неделно го зголемува ризикот од рак на цревата или панкреасот.
Јадете цели зрна, влакната во нив помагаат потенцијално канцерогените состојки во организмот да излезат побргу од системот. Исто така пијте чај, кој содржи катехини, антиоксиданти кои го намалуваат ризикот од рак.
-
Го забрзува метаболизмот, дава енергија, помага во варењето, ја подмладува кожата и што уште не. ... -
Ако носите парфем со младешка нота, тогаш луѓето ќе ве перцепираат како помлади. ... -
Се одржа медиа средба за промоција на антиејџ медицината во поликлиника Др. Ѓоше од Куманово. ...
.gif)
