.gif)
Дали и вашите бисерно бели заби започнаа да губат од сјајот? Се почест нивни посетител се жолтеникавите дамки кои ви ги носат храната, пијалаците и годините нормално. Време е да преземете нешто за да ја вратите блескавата насмевка!
Белило против дамки од кафе!
Домашниот кит за белеење на забите кој содржи карбамид пероксид/ хидроген пероксид може да ги исчисти дамките од површината и да ја врати природната боја на забите.
Некои гелови се нанесуваат со четкичка на забите, а други се во вид на лента-калап која треба да ја ставите на забите и да ја носите 30-40 минути секој ден во текот на една недела.
Рецепт за домашно белило: Ставете 2 лажички сода бикарбона во мал сад или шолја за кафе, потоа ставете 2 или 3 лажички хидроген пероксид и направете паста. За ова понекогаш се потребни повеќе обиди бидејќи се јавуваат грешки. Бидете сигурни дека смесата е со иста густина како паста за заби. Ако сакате можете да додадете малку нане за ароматизација или дури и мало парче паста за заби. Четкајте околу 2 минути и никако не голтајте! Потоа измијте ги уште еднаш забите со обична паста за да го тргнете лошиот вкус на хидроген пероксидот од устата.
Ленти за побели заби во текот на наредната година!
Лентите не се толку ефикасни како китот, но се лесни за користење и докажани. Тоа се тенки речиси невидливи ленти со пероксид гел кои се носат неколку пати неделно по неколку минути. Резултатите се видливи за неколку дена и траат најмалку година.
Променете ја старата паста со паста за белеење!
За да ги отстраните површински дамки користете специјална паста за белеење на забите која содржи благи абразиви и хемикалии за белеење.
NotForMen препорака: Белеење на забите: митови и факти
Сода бикарбона, јаболка и гуми за џвакање без шеќер!
Некои луѓе се уште ги практикуваат старомодните начини, па така ги тријат нежно забите со четка и сода бикарбона.
Грицкаат целер, јаболка, моркови и круши, при што се лачи многу плунка која ги чисти остатоците од храна.
Исто така добро е да користите гуми за џвакање без шеќер кои ќе го поттикнат лачењето на плунка која ги неутрализира киселините кои ги расипуваат забите.
Избелување на забите кај стоматолог!
Ако се одлучите да се обратите кај стручно лице, бидете претпазливи ако имате многу пломби, коронки и мостови.
Тие се направени да одговараат на вашата моментална боја на забите, па така ако природните заби ги избелите многу ќе си создадете дополнителна стоматолошка работа.
СОВЕТИ НА ЕКС:
- Не пушете!
- Не пијте кафе, црвено вино и темни џусеви или плакнете ја устата веднаш потоа! Се што остава дамка на бела блуза, остава и на забите.
- Четкајте ги забите после јадење на боровинки и капинки!
- Не пијте енергетски и спортски пијалаци! Долготрајната употреба ја тенчи забната глеѓ.
- Четкајте ги забите најмалку 2 пати на ден, а уште подобро после секој оброк и ужина!
- Посетувајте стоматолог за редовни прегледи!
-
Го забрзува метаболизмот, дава енергија, помага во варењето, ја подмладува кожата и што уште не. ... -
Ако носите парфем со младешка нота, тогаш луѓето ќе ве перцепираат како помлади. ... -
Се одржа медиа средба за промоција на антиејџ медицината во поликлиника Др. Ѓоше од Куманово. ...
.gif)
