.gif)
Намалувањето на градите подразбира отстранување на вишокот масно ткиво со цел градите да станат пропорционални со останатите делови на тело.
Колку жени толку проблеми со изгледот. Некои реални, некои преувеличени, но сепак доволни за да бидат причина за женското двоумење дали да појдат под нож во име на убавината.
Некои не се задоволни од големината и формата на градите, други од изгледот на очите и веѓите, трети се борат со проблематичната кожа.
Дознајте кој е стручниот одговор за дилемите дали вреди да се одлучите за оперативен зафат!
Прашање бр.1: Како да знам дека сум соодветен кандидат за намалување на градите? Немам комплекс поради нивната големина, но болките во вратот и грбот се сериозни.
Одговор: Намалувањето на градите подразбира отстранување на вишокот масно ткиво со цел градите да станат пропорционални со останатите делови на тело.
Доколку имате виснати гради чии брадавици се насочени надолу; едната града е видно поголема од другата; имате болки во грбот и вратот поради нивната тежина; страдате од иритација и инфекција под градите; имате искривен грб и рамена, вие сте соодветен кандидат за операција за намалување на градите.
Обидете се да ја намалите тежината пред операцијата бидејќи слабеењето отпосле може да има непредвидени ефекти врз обликот на градите. Заборавете и на цигарите најмалку 3 недели пред операција бидејќи никотинот ѝ пречи на циркулацијата.
Прашање бр.2: Сакам да направам пластична операција на градите со цел да изгледаат пополни. Но, бидејќи планирам да станам мајка во иднина, се прашувам дали бременоста носи ризик градите да се деформираат и покрај операцијата?
Одговор: Зголемувањето на градите е пропратна последица на забременувањето и доењето, но кога градите ќе се вратат во нормала, резултатите варираат.
Кај жените кои имаат еластична кожа, градите изгледаат исто како и претходно. Варијаблите зависат од: годините; степенот на зголемување на градите; претходната бременост.
Младите мајки кои за прв пат остануваат бремени, полесно се враќаат во нормала. Ако веќе еднаш сте поминале низ таа фаза, очекувајте дека и по операцијата ќе треба да направите некоја корекција. Затоа најдобар период за средување на градите е откако ќе завршите со бременоста.
NotForMan препорака: 12 интересни факти за женските гради
Прашање бр.3: Од ден за ден веѓите ми се спуштаат, изгледам како старица. Се плашам дека некој ден кожата ќе стаса до трепките. Дали постои некаков метод да ги поткренам, а да не мора да правам операција?
Одговор: Вишокот кожа под веѓите е последица на стареењето или генетски фактор. На жалост не постои магична инјекција што може да ја израмни и да ја поткрене, а единственото решение е оперативен зафат за да се отстрани вишокот. Постапката подразбира отстранување на кожата на ниво на горниот очен капак, така што лузната се движи по природна линија и е скриена.
Резултатот е отворен очен капак и свежо одморено лице.
Прашање бр.4: Имам масна кожа и многу акни. Ниту еден лосион до сега не се покажал како ефикасен и затоа размислувам да подлегнам на ласерски третман. Дали е тоа најдобрата солуција?
Одговор: Ласерот се користи кај пациентите со сериозна пигментација на кожата и сериозна мелазма. Но, постојат и други начини за да се редуцира појавата на акни, како хемиски пилинг и дермабразија.
Ако имате масна кожа, проблемот со ласерот е тоа што ненамерно може да го одземе пигментот од здравите регии правејќи ги бледи.
-
Го забрзува метаболизмот, дава енергија, помага во варењето, ја подмладува кожата и што уште не. ... -
Ако носите парфем со младешка нота, тогаш луѓето ќе ве перцепираат како помлади. ... -
Се одржа медиа средба за промоција на антиејџ медицината во поликлиника Др. Ѓоше од Куманово. ...
.gif)
