NotForMen

Симптомите се последица на воспалението на тироидното ткиво, кое води кон неконтролирано ослободување на тироидните хормони во циркулацијата.

Што е тироидна жлезда?

Тироидната или штитната жлезда е мала ендокрина жлезда од само 20-60 грама, локализирана пред дишникот со форма на пеперутка. Неопходна е за функционирање на клетките, за правилен развој на нервното ткиво и скелетниот систем кај плодот и во детска возраст.

Нарушување на тироидната функција

Хиперфункцијата на штитната жлезда доведува до појава на Базедова болест. Хипофункцијата во раниот развиток доведува до појава на ментално и физичко заостанување - кретенизам.

Кај возрасни луѓе, поради намаленото лачење на тироидните хормони, доаѓа до намалување на метаболизмот, намалување на телесната температура, груба и отечена кожа забавени реакции, незаинтересираност итн.

Болест на тироидната жлезда: СУБАКУТЕН ТИРОИДИТ

Toa e вирусно воспаление на жлездата, чиј предизвикувач се уште не е конкретно потврден. Ова заболување поминува за неколку седмици до 1 месец.

Неговата појава е најчесто поврзана со периодот кога се почести заболувањата како: вирусот на инфлуенца, аденовируси итн.

Симптоми

Заболувањето се манифестира со појава на болка во долниот дел на вратот, во пределот на тироидната жлезда, покачена температура, можен е оток во пределот на вратот, срцебиење, слабеење, силен замор, препотување и слично. Симптомите се последица на воспалението на тироидното ткиво, кое води кон неконтролирано ослободување на тироидните хормони во циркулацијата.

Дијагноза

За дијагнозата на заболувањето потребен е преглед со соодветни лабораториски наоди, ехографско иследување и скен на тироидната жлезда.

Терапија

Терапијата е насочена кон намалување на симптомите на пациентот. Се препорачува аналгетик, антипиретик, витаминска терапија, а кај потешките случаи се користат и други методи.

Има ретки случаи на развој на хипотироидизам по прележан субакутен тироидит, па затоа се советува преглед еднаш годишно на излекуваните пациенти.

• 
  Зошто да пиете 2 литра вода на ден?
  Го забрзува метаболизмот, дава енергија, помага во варењето, ја подмладува кожата и што уште не. ...
• 
  14 совети за младешки изглед
  Ако носите парфем со младешка нота, тогаш луѓето ќе ве перцепираат како помлади. ...
• 
  Промоција на антиејџ медицината во Македонија!
  Се одржа медиа средба за промоција на антиејџ медицината во поликлиника Др. Ѓоше од Куманово. ...