.gif)
Супата содржи минимален број калории, а максимален број витамини. Затоа се смета за идеален оброк за тие што сакаат да се ослободат од вишокот килограми. Правилото е мошне едноставно, колку повеќе супа, толку помалку килограми.
Со оглед на тоа што диеталците се радуваат кога ќе слушнат дека може да јадат колку што сакаат, ова диета ќе им дојде како вистински благослов. Нема никакви ограничувања за количеството на супата, а дозволени се и мали задоволства.
Но пред да почнете да славите, должни сме да ви кажеме дека диетата не ветува трајно решение со тежината. Спаѓа во групата на брзи диети со јојо- ефект, што значи дека килограмите се враќаат штом се вратите на старите навики.
Еве како изгледа 7-дневниот план:
Прв ден:
Јадете какво било овошје, освен банана.
Пијте незасладено кафе, вода и сок од боровинки.
Јадете супа колку што сакате.
Втор ден:
Каков било зеленчук, може свеж, варен или печен. Избегнувајте пченка, грав и грашок. За вечера може да се наградите со еден поголем печен компир и малку путер. Супата повторно не смее да изостане, но забрането ви е овошјето.
Трет ден:
Ова е комбинација на првите два дена, значи дозволено ви е зеленчук, супа, овошје. За денес немате награда затоа заборавете на компирот.
Четврт ден:
Денес е ден кога ќе имате можност да ја задоволите желбата за благо. Можете да јадете банани, но максимум 8. Пијте млеко колку што сакате, но обезмастено и без шеќер. Не заборавајте на супата од зелка.
Петти ден:
Сварете 300 до 500 грама телешко месо и јадете го со свежи домати, дозволени ви се најмногу 6. Испијте од 6 до 8 чаши вода, ако можете и повеќе. Водата ќе ви помогне да се ослободите од токсините. Обидете се да изедете барем една чинија супа. Телешкото месо може го да замените со варена риба или со пилешко, ако повеќе ви одговара.
Шести ден:
Денес повторно можете да јадете телешко месо со зеленчук. Дозволено ви е дури и да каснете два или три стека задолжително во комбинација со свежа салата. Не ви се дозволени печени компири. Но, не ја пропуштајте ја чинијата супа.
Седми ден:
Можете да каснете ориз, по можност кафен, овошен сок без шеќер и зеленчук. Сигурно ви е згадено, но обидете се и денес да јадете од супата. Заборавете на лебот, алкохолот и газираните пијалаци.
Напомена: Секогаш имајте на ум дека диетата мора да ја земете на свој ризик бидејќи ниту една не е здрава за организмот. Многу е добро ако претходно се консултирате со лекар или со нутриционист.
-
Една чаша јогурт пред спиење ќе го подобри варењето на храната. ... -
Се препорачува најмногу 50 гр чоколадо дневно, а оваа количина поделете ја на три. ... -
Интересен проект на Jackie Warner со здрав начин на исхрана и ригорозни вежби. ...
.gif)
