Речиси и да не постои диета во која не се препорачуваат пуканките како ужина. Со помалку сол и одлични се за залажување пред телевизор. Многу девојки практикуваат да ги јадат бидејќи навистина го одржуваат организмот сит, за разлика од јаболкото чиј сок само го разјадува желудникот и гладот веднаш настапува.
Но, истражувањата велат дека пуканките сепак не се нискокалоричен оброк, особено ако ги јадете со „кока-кола". Потеклото на ваквата информација е од студијата спроведена во Соединетите Американски Држави. Во неа се вели дека една кутија (од средните) пуканки и газираниот пијалак е исто како да сте изеле 3 хамбургери.
Број на калории.
Да доловиме и со бројки. Во една средна порција пуканки и газиран сок има 1.160 калории и 60 грама заситени масти, количество препорачанo за три дена. Уште ако пуканките се полиени со масло, бројот на калориите се зголемува за плус 130. Тоа ви е исто како да сте изеле порција пржен помфрит.
Сега сигурно сте во голема дилема. Се прашувате дали комбинацијата е фатална или истото се однесува само на пуканките?
Бројот на калориите е значително помал ако јадете само пуканки и тоа испукани со малку масло и сол, за разлика од оние готовите приготвени во микробранова. Тие содржат рафинирано масло и се идентични како и останатите грицки.
Пуканките се најздравите грицки што можете да ги најдете на пазарот. Содржат прехранбени влакна, витамин Ц, железо, магнезиум и многу малку протеини. Нутриционистите ги препорачуваат во секојдневната исхрана, но со усул.
