Авторите на оваа диета се потрудиле таа да асоцира на правилен начин на исхрана, а не на изгладнување
Станува збор за 90-дневна диета што стана особено популарна од повеќе причини - неверојатни резултати и нови навики во исхраната. Целта на оваа диета, освен намалувањето на килограмите, е забрзување на природниот метаболизам и исклучување на било каква можност калориите да се залепат на погрешно место. Авторите на оваа диета се потрудиле таа да асоцира на правилен начин на исхрана, а не на изгладнување.
ФАКТ: диетата трае 90 дена и за тој период можете да ослабите од 18 до 25 килограми. Ако не сакате да изгубите толку килограми, тогаш едноставно прекинете ја. Диетата се состои од 4 дена и редоследот морате строго да го почитувате!
ПОЈАДОКОТ е ист за сите 90 дена - овошје во пар (2 јаболка, 2 портокала, 2 круши...) или 2 раце ситно овошје како сливи, цреши, боровинки и др.
- ДЕН - ПРОТЕИНСКИ
Ручек: варено или печено месо (количината да биде отприлика 3 шницли, ако едната тежи 180 грама), резанка интегрален или црн леб и салата во неограничени количини. Месото можете да го замените со 3 варени јајца.
За време на протеинскиот ден ви е дозволено да пиете млеко и да јадете сирење. После ручек задолжително испијте 2 децилитри бистра супа без тестенини. Можете да си купите од оние коцки супа...само ставете ја во зовриена вода.
Вечера: исто како и ручекот, само без супа. Она што го јадевте за ручек ќе морате и да го јадете за вечера. Значи ако сте јаделе месо ќе мора да вечерате месо, ако го заменивте со јајца, за вечера повторно ве чекаат јајца.
- ДЕН - СКРОБЕН
Ручек: можете да одберете помеѓу грав, компири, ориз, леќа, боранија и слично. Задолжително сварете го со сите зачини, сол, пипер, вегета, лук... Дозволена е една резанка интегрален или црн леб и салата.
Вечера: исто како и ручекот, но во помала количина.
- ДЕН - ДЕН НА ЈАГЛЕРОДНИ ХИДРАТИ
Ручек: било кој вид на тестенини во комбинација со кечап, оригано, зеленчук. Дозволена е вегетаријанска пица, но без сирење.
Вечера: две парчиња торта, 3-4 колачи или 3 топки сладолед и задолжително еден ред црно чоколадо.
- ДЕН - ОВОШЕН
За ручек и вечера: јадете само овошје!
МНОГУ ВАЖНО!!!
За време на диетата, еднаш во месецот треба да имате ВОДЕН ДЕН, што секогаш треба да следува после овошниот, а после него треба да следува протеинскиот. Кафе и чај (по можност без шеќер) можете да пиете во неограничени количини. Можете да пиете и сокови, но со што помалку шеќер.
После крајот на диетата можете да продолжите со вообичаениот начин на исхрана, но под услов и наредните 90 дена да појадувате овошје. Ако во тој период од 3 месеци изгубите уште 3 килограми, значи дека дошло до промена во метаболизмот. Ако сметате дека имате потреба да ја повторите диетата, сторете го тоа после пауза од 3 месеци. Во никој случај не смеете да гладувате бидејќи така само ќе го забавите метаболизмот, а нема да ослабете.
