Надуеноста, уште позната како едем, е резултат на задржување на течностите во организмот.
Велигденските празници беа одличен период за смирување на нервите, но и за уживање во храната. Самиот факт што сме дома и немаме што да правиме не поттикнува постојано нешто да грицкаме, а кога на сето тоа ќе се додаде и празничниот избор на готова храна, е тогаш сме паднале во замката.
Дали се уште чувствувате тегоби во желудникот? Ви се повраќа при помислата на месо? Ако да, тогаш сте влегле во групата на луѓето што претерале со храната. Надуеноста, уште позната како едем, е резултат на задржување на течностите во организмот што најчесто се јавува при шокирање на организмот со храна.
Освен тегоби во желудникот, седењето во иста позиција станува напорно, доаѓа до промена на хормоните, а се менува и менструалниот циклус. За среќа, надуеноста е краткотрајна и може да се спречи или ублажи со помош на исхраната:
СВЕЖО ОВОШЈЕ
За да се решите од надуеноста, вооружете го фрижидерот со свежо овошје. Но, заборавете на компотите или домашно приготвените сокови, колку и да се освежувачки немаат доволно антиоксиданси за да помогнат во намалување на задржаната течност во организмот.
Најмногу можете да се потпрете на ситното, црвено овошје како капини, малини, боровинка, јагоди... Тие изобилуваат со најголемо количество антиоксиданси што го штитат организмот од слободните радикали.
СВЕЖ ЗЕЛЕНЧУК
Исто како и овошјето, конзервираниот зеленчук содржи адитиви и сол што дополнително може да ја влошат состојбата со надуеноста. Вам ви е потребен 100% природен производ. Во зеленчукот се кријат чудотворните растителни влакна, што меѓу другото, го поттикнуваат организмот по природен пат да се ослободи од вишокот течности.
Од зеленчукот најмногу ќе ви помогне лукот, аспарагусот, репката, тиквата и магдоносот.
ПРИРОДЕН ЛЕК - ЃУМБИР
Лекарите сметаат дека ѓумбирот е идеален за желудочните тегоби. Освен како чај, можете да го користите како додаток во исхраната. Одлично оди со месо, компири, супа, а многу домаќинки го ставаат о во тестото за колачи.
