NotForMen

Причините за болка може да бидат различни: намалена физичка активност, голем физички напор, неправилен став и држење на телото и сл. Најважно од сé е дека не смеете да ја игнорирате болката. Научно е потврдено дека болката во грбот ја намалува концентрацијата на човекот и го онеспособува да работи. Затоа не трпете, помогнете си сами.

Постојат неколку вежби што можеби на почеток ќе ви бидат неподносливи, но со сигурност ќе ја подобрат вашата рамнотежа, циркулација, флексибилност, цврстината на 'рбетот...

Пливајте грбно.

Редовна посета на базен ќе ги намали вашите болки во грбот. Но, мора да пливате само грбно, бидејќи пливањето на гради создава притисок на вратот  што воопшто не ви е потребен. Доколку на почеток не можете долго да пливате, правете пауза со друг тип вежба. Влезете во длабокото, некаде до градите, и пешачете во водата напред и наназад.

Аеробик во вода.

И обичниот аеробик несомнено ќе ви помогне, но за поголеми и побрзи резултати вежбајте во вода. Освен што ве разладува, водата го држи вашето тело и вие несвесно правите многу повеќе вежби.

Легнете на површината на водата.

Ако навистина имате силни болки, не можете да лежите и да седите, вежбањето сигурно е незамисливо за вас. Затоа, терапијата во вода ќе ја започнете со едноставно одржување на вода. Уште поубаво би било водата да е топла и солена, тоа навистина ќе го олабави 'рбетот.

Хидротерапија.

Хидротерапијата ја има речиси во сите спа-центри. Станува збор за лекување со топла вода. Освен што ќе лежите и ќе подлегнете на масажерите, можете и да направите некоја вежба. Топлата вода ќе ви ги олабави коските, болката ќе се намали, а патем ќе добиете блескава кожа.

Пешачете.

За ова ви се потребни само удобни патики, за да не ве заболат нозете, и подготвени сте. За почеток почнете по рамни површини, а подоцна можете да почнете и со совладување угорници. Притоа многу е важно да пешачите исправено, во спротивно болката уште толку ќе се зголеми.

Јога.

Постојат јога-вежби со кои се истегнуваат и активираат и најситните мускули. Што значи дека сосема ќе го доведете 'рбетот во ред. Ќе ја големите неговата еластичност и флексибилност, а ќе се подобри и вашиот дух.

• 
  6 вежби со стап и тегови за секси тело
  Боксот експлозивно согорува калории, а балетот размрдува мускули, а овие вежби се склоп од тоа. ...
• 
  Eva Mendes: „Самодовербата е секси“
  „Никогаш не ги нагласувајте вашите маани на никој, вклучувајќи се тука и себе.“ ...
• 
  Време е за здравје, време е за сауна!
  Просечната сауна сесија е околу 15-20 минути, внимавајте никако да не заспиете. ...