Часовите по женски кикбокс најчесто вклучуваат удари со раце и нозе во воздух или вреќа и скокање на јаже. Ваквиот кикбокс всушност е една добра кардио-вежба за одржување на тежината и мускулната маса.
Предности на кикбоксот:
Нема подобар начин за ослободување од стресот. Уште вреќата да си ја замислите како вашиот шеф и ќе излезете преродени од салата.
Кикбоксот обезбедува согорување на калориите од глава до петици.
Преку кикбоксот ќе ја подобрите кондицијата, рамнотежата и плус ќе научите некој чекор за самоодбрана кој може да ви затреба некогаш во животот.
Маани на кикбоксот:
Може да дојде до повреда, особено кај почетниците кои се уште не сé навикнати на молскавични кратки удари.
Кикбоксот е навистина енергичен спорт составен од напорни тренинзи што не може секој да ги поднесе.
Ако не успеете да се вклопите во групата или да комуницирате со тренерот, интересот брзо ќе спласне бидејќи не станува збор за колективна игра како фудбал.
Дали кикбоксот е спорт за вас?
Еве ја листата со придобивки според која ќе можете да заклучите колку одговара на вашиот животен стил и кондиција.
Мускули кои се активираат - мускулите на целиот скелет вклучувајќи и ги оние од кардиоваскуларниот систем.
Изгубени калории - човек кој тежи 68 кг може да изгуби до 680 калории, додека човек со телесна тежина од 90 кг може да изгуби 907 калории на час.
Потребна опрема - патики како за кошарка, завој за да ги заштитите дланките од повреди, ракавици за бокс во зависност од програмата, појас за половина и многу вода.
Место за вежбање - најдобро е да се запишете во приватно училиште бидејќи друго е кога со вас работи тренер. Доколку не можете да си дозволите можете да вежбате во двор следејќи специјално видео.
Потребно време за тренинг - доволно е да одите на часови два пати во неделата во траење од 45 до 60 минути. Ако мислите дека имате капацитет, зголемете ја честотата на тренингот.
