Но, не е се така црно!!! Башка ние и немаме право многу да се жалиме со оглед на тоа што сонцето никако нѐ не напушта и кога температурите се под нулата. Но, има еден друг проблем...исхраната и намаленото движење... Уште денес и утре и празниците ќе си заминат, а тогаш се јавува она чувство на носталгија и се буди разумот дека сепак претеравме со јадењето.
КАКО ДА СИ ПОМОГНЕТЕ КОГА ДЕПРЕСИЈАТА ЌЕ НАПАДНЕ?
ХРАНАТА КАКО ЛЕК:
8 од 10 жени патат од зимска депресија што влијае и на љубовниот живот
Зголемените оброци често се причина за појава на депресијата, но тие се и спасот за да се спасите од неа за кусо време. Еве како ќе го постигнете тоа:
НАПИЈТЕ СЕ ЧАША МЛЕКО - млекото изобилува со витамин Д и секако калциум. Недостатокот на витаминот Д често е причина за лошото расположение. Ако сонцето не ви е доволно за задоволување на потребите, тогаш тука е млекото и зеленчукот.
ПОДГОТВЕТЕ ПЕЧЕНА РИБА - во рибата ќе го најдете витаминот Б12, што е одговорен за одржување на нивото на црвените крвни зрнца. Спречува појава на анемија, конфузија и невролошки болести.
РЕЦЕПТ: Печен крап за Бадник
Измијте ја рибата и внимателно исчистете ја. Земете едно поголемо парче фолија, напрскајте ја со маслиново масло врз кое ќе го положите крапот. Со нож направете неколку реза на рибата. Пополнете ги со лук и помали парчиња лимон. Убаво посолете ја рибата и зачинете ја со црн пипер. Уште еднаш попрскајте ја рибата со маслиново масло и полијте ја со малку лимонов сок. Ако сакате можете да додадете и малку магдонос. Завиткајте ја фолијата и ставете ја во тепсија. Печете на 200 степени.Вака ќе добиете нискокалоричен оброк што супер ќе ви дојде после толку месо.
ИСЦЕДЕТЕ ЕДЕН СВЕЖ ПОРТОКАЛ - преки него ќе дојдете во контакт со витаминот Б1, тој делува антидепресивно, ја зголемува концентрацијата и го храни мозокот со енергија.
ЗАВРШЕТЕ ГО ДЕНОТ СО ЧИНИЈА БОГАТА СО МУСЛИ - Б6 е витаминот што сигурно честопати го пиете со цел да ги отпуштите мускулите и нервите. Но дали има поубаво од тоа да уживате ем во храна ем во добро расположение. Пченичните никулци се вистински природен извор на овој витамин.
СПОРТОТ КАКО ЛЕК:
Секое спортување во природа го регенерира мозокот
Да се разбереме секој спорт е добар за психата. Концентрацијата и забрзаниот пулс ќе ве натераат да заборавите на лошите работи. Сепак експертите по фискултура издвоиле неколку спортови што се покажале како најефикасни во справувањето со депресијата. Па да видиме за што станува збор?
ЏОГИРАЊЕ - ем спортување ем дружење со природата, резултатот несомнено ќе биде ведра личност со топ тело. Не плашете се од снегот или студот, топло облечете се и тргнете во една обиколка на населбата.
ПЛИВАЊЕ - контактот со водата несомнено ги разбиструва мислите, но изгледа и знае да не врати во летото, па затоа се покажал како успешен антидепресивен спорт. „Олимпискиот базен" работи и зимно време, водата е топла и пријатна. Но, морате да внимавате бидејќи настинките најмногу се закачуваат кога ќе излезете надвор со топло тело.
ЈОГА - тука нема дилема и сами претпоставувате дека јогата ќе се најде на оваа листа. Во многу наврати споменавме за позитивниот психолошки феномен што го нуди оваа дисциплина. Доколку сакате животна рамнотежа, јогата спасот за вас.
