Во истражувањето се вели дека, контракциите лесно ги поднесувале поради создадената еластичност на карлицата. Потврдено е дека постои и помал ризик од компликации за време на породувањето, во смисла детето да се заглави и остане без кислород. Уште една добра вест е тоа што многу полесно мајките се враќаат во форма, после бременоста.
Дали секоја трудница смее да вежба?
Пред се треба да се консултирате со вашиот гинеколог, со цел да потврди дека физичката активност не е штетна за вас и вашето бебе.
Вежбањето најчесто се препорачува после првите 3 месеци. Претходно жената е осетлива, се соочува со големи промени и не би можела да поднесе голем физички напор. Од друга страна, вежбањето може да биде опасно и да предизвика спонтан абортус.
Кои вежби се добри за трудниците?
За почеток е добро да се подготват мускулите на карлицата бидејќи тие учествуваат во чинот на породувањето. Станува збор за мускулите кои ја држат матката, дебелото црево и мочниот меур. За време на бременоста, овие мускули трпат големи промени под влијание на хормоните, и стануваат млитави. Доколку ги зацврстите многу полесно ќе се породите.
Многу добро ќе ви дојдат и вежбите за истегнување. Ќе се ослободите од болките во грбот и мускулите на нозете. Ќе се намали и чувството на тензија во вратот. Комбинирани со техники за дишење и релаксација, ќе ви помогнат да се соочите со промените.
За време на второто тримесечје, вашето тело почнува да се менува и визуелно. Стомакот веќе се забележува. Вежбите за истегнување и релаксација го намалуваат негативното влијание на хормоните врз мускулите и зглобовите. Во овој период можете да се соочите со болки во грбот и правилното држење. За да го одржите правилното држење на телото и да воспоставите добра рамнотежа која е суштинска за вас правете вежби за зајакнување на 'рбетот, грбните и стомачните мускули.
Третото тромесечје е најкомплицирано. Доаѓа до отекување на рацете и стапалата. За ова ви се потребни вежби кои ќе ги изведувате исклучиво со тие делови, за да не дозволите задржување на водата. Вежбите ќе ви се најдат и во проблемот со отежнатото дишење. Тие го шират градниот кош и воздухот полесно циркулира. Освен тоа вашата психичка состојба ќе биде на незавидно ниво, бидејќи за време на активирањето на мускулите се лачи хормонот на среќата- ендорфин.
Најважно правило:
Морате да внимавате на исхраната. Секако дека вежбите влијаат на тежината, но тоа не значи дека навистина треба да седнете и да јадете за двајца. Дозволен лимит е, покачена телесна тежина за само 10 килограми.
