Секоја жена сака да има убаво обликуван и затегнат задник, а притоа да не се мачи со тешки вежби.
Нема сомневање дека секоја жена сака да има убаво обликуван и затегнат задник. Следните вежби кои ќе ви ги објасниме се многу лесни, можат да се прават секаде и што е најважно делуваат при затегнување на задникот.
Расчекор
Направете чекор така што едната нога ќе ја ставите пред другата. Рацете ставете ги на колковите, свиткајте ги нозете и спуштете се надолу се додека коленото на задната нога не го допре подот. Мускулите на задникот држете ги затегнати. Направете по 10 вежби за секоја нога.
Скали
Избегнувајте го лифтот и користете ги почесто скалите. Тие се корисни за мускулите на задникот, па користете ги каде и да сте. Со скалите не само што ќе ги зацврстите мускулите на задникот туку и останатите мускули на нозете. Како за почеток, качувајте се преку 2 скали.
Клекни стани
Ништо не помага за вашиот задник како вежбата клекни стани. Раширете ги стапалата, а прстите да гледаат на страна. Рацете ставете ги на колковите и исправете го грбот. Нозете свиткајте ги кај колената и спуштајте се колку што можете. Мускулите на задникот и стомакот нека ви бидат затегнати. Клекнете и станете 15 пати.
Дигање карлица
Легнете на земја, колената свиткајте ги и стапалата поставете ги на подот. Рацете исправени поставете ги покрај телото со дланките свртени кон подот. Кревајте го задникот нагоре и буткајте ја карлицата кон таванот најмногу што можете.
Кога ќе ја правите оваа вежба, немојте да ги користите рамената или грбот. Во таа позиција останете додека не изброите до 10. Потоа полека спуштете се и повторете ја истата вежба 10 пати.
