.gif)
Погледнете го градот од птичја перспектива и уживајте во него од друг агол.
Вежбањето во затворена просторија ве излудува, а и диетите и не ви се баш омилени. Како тогаш да го одржите вашето тело во форма? Физичка активност која ви причинува задоволство. Овој викенд или уште утре, ако не сте на работа, појдете на Водно!
Ќе ги раздвижите сите мускулчиња на вашето тело, ќе дишите чист воздух, ќе уживате во глетката, ќе се забавувате среќавајќи познаници нагоре и што уште не. Зар ова не е доволна причина?
Земете го под рака партнерот или најдобрата пријателка и тргнете во поход.
Употребете го зафрлениот ранец или некоја поголема торба и во неа ставете вода, сок, па можете дури и кафе во термос.
Задолжително купете си нешто лесно за јадење, бидејќи долгото пешачење ќе ве направи гладни многу наскоро.
Ако се качувате сами, не заборавајте ги слушалките за вашиот мобилен телефон. Се е позабавно со музика.
Одделувајте време за починка при качувањето нагоре, погледнете го градот од птичја перспектива и уживајте во него од друг агол.
Не мислете на секојдневните проблеми, релаксирајте го мозокот и впијте ја природата.
По пат скинете си едно цветче, зелена слива или гранче кое ќе ви го зајакне чувството на припадност кон планината.
Исклучете го звукот на телефонот и не дозволувајте никому да ви ја расипе оваа совршена хармонија.
Ако сте со партнерот, последно што ќе ви падне на памет нека ви биде да се скарате со него за некоја неважна ситница. На пример зошто не внимавал и ги згазнал вашите нови патики и слично.
Понесете си некоја тренерка на патент која совршено ќе ви се најде горе кога ќе се затскрие сонцето.
Поминете часови и часови тркалајќи се во тревата, каде ќе седнете на некое тенко ќебенце, а не на клупа.
Бидете меѓу последните кои ќе го напуштат овој мал скопски рај.
Кога ќе пристигнете дома подгответе си топла бања и потоа директно облечете си ги омилените пижами и заминете во кревет.
Оваа прошетка ќе ви даде доволно енергија за да ја издржите напорната работна седмица која следи. Ако можете практикувајте го ова секој викенд, телото ќе ви биде благодарно!
-
Боксот експлозивно согорува калории, а балетот размрдува мускули, а овие вежби се склоп од тоа. ... -
„Никогаш не ги нагласувајте вашите маани на никој, вклучувајќи се тука и себе.“ ... -
Просечната сауна сесија е околу 15-20 минути, внимавајте никако да не заспиете. ...
.gif)
