NotForMen

Истовремените движења со рацете и нозете ја зголемува активноста за согорување на калориите.

Црниот долг фустан е идеален трик за прикривање на вашата не така идеална фигура. За таа цел ќе ви помогнат и корсетите и другите парчиња облека за затегнување.

А зарем не е полесно да се одлучите за фитнесот како опција за доведување на вашето тело во идеална форма, дури и неприкриено и притоа да добиете бонус прекрасно расположение?

Во Древна Грција, физичкото оптеретување на телото се сметало за верно средство во достигнувањето на хармонија меѓу убавината на мислите и надворешната убавина. Ова е добар факт и уште подобра мотивација за да си набавите фитнес картичка и уште од утре да се посветите на достигнување на сопствената хармонија.

Еве за какви фитнес програми, во зависност од целите, можете да се одлучите:

Пилатес

Овој вид на фитнес е идеален за почетници бидејќи не го преоптеретува мускулниот систем, воедно и за оние на кои здравствената состојба не им го дозволува тоа. Пилатес вежбите, всушност, се состојат од движења кои преминуваат едно во друго што овозможува постепено исправување на рбетниот столб и исправено држење на целото тело. Пилатесот може да се изведува со помош на фитнес топка.

Аеробик

Аеробикот подразбира сите движења да се изведуваат со брзо темпо и со музика. Фитнес експертите сметаат дека токму аеробикот е најпогоден за топење на вишокот на мастите и намалување на килограми.

Најпопуларен е класичниот аеробик кој се состои од брзи чекори во комбинација со скокови, трчање и одржување на ист ритам неколку минути. Истовремените движења со рацете и нозете ја зголемуваат активноста за согорување на калориите.

Кардио – вежби

Овие вежби даваат напор за срцето и системот за дишење и на тој начин ја подобруваат нивната работа, го намалуваат стресот и го подобруваат сонот. Се препорачуваат за загревање.

Уживајте во напливот на позитивна енергија кој ќе ви го овозможи вашата фитнес програма и се разбира во резултатите на вашата фигура!

• 
  6 вежби со стап и тегови за секси тело
  Боксот експлозивно согорува калории, а балетот размрдува мускули, а овие вежби се склоп од тоа. ...
• 
  Eva Mendes: „Самодовербата е секси“
  „Никогаш не ги нагласувајте вашите маани на никој, вклучувајќи се тука и себе.“ ...
• 
  Време е за здравје, време е за сауна!
  Просечната сауна сесија е околу 15-20 минути, внимавајте никако да не заспиете. ...