NotForMen

За време на зголемено потење се губат електролити кои треба да се надоместат преку храна или пијалаци.

Кога маицата е натопена во пот, а лицето ви е оросено, вие сте задоволни од добро завршената работа при која не сте се штеделе. Целосно сте се предале на вежбањето и благо се смешкате при помислата на резултатот кој би требал да пристигне наскоро.

Но дали вежбањето на високи температури согорува повеќе калории, како и одговорите на други вакви слични двоумици ќе ги дознаете подолу во текстот.

Кога вежбате на високи температури...

Срцето треба да работи поинтензивно за време на изведувањето на кардио вежбите да ги снабдува мускулите со кислород и да пумпа повеќе крв до површината на кожата, како би одржало сигурна телесна температура. Но тоа не значи дека трошите повеќе калории.

Постојано се потите.

Телото секогаш лачи течност за да ја регулира температурата, иако најголемиот дел од времето таа количина е толку мала, речиси занемарлива. При тоа не се потите само под пазувите, туку по целото тело.

Кремата со заштитен фактор не го отежнува потењето.

Без разлика на висината на заштитниот фактор, кремата за сончање не го спречува потењето, при тоа треба да бидете свесни дека ниту една крема не е во потполност водоотпорна и имуна на пот.

Потребно е да ја нанесувате на секои неколку часа, особено ако во меѓувреме се освежувате во море или базен.

Изотоничните пијалаци помагаат при потењето.

Ова важи само ако умерено ги консумирате. За време на зголемено потење се губат електролити кои треба да се надоместат преку храна или пијалаци.

Изотоничните пијалаци можат да ви помогнат во тоа ама треба да бидете свесни дека нивните калориски вредности (половина литар содржи од 125 до 140 калории) се големи и преку нивно консумирање можете веднаш да ги надополните калориите кои сте ги изгубиле преку вежбањето.

Телото е изложено на поголем напор во влажни услови.

Кожата се потпира на сувиот воздух кој ја опкружува и заради кој влагата од нашето тело испарува.

Во влажни климатски услови таа се губи многу потешко поради што е понапорно да се одржува телесната температура. Токму тоа е причината зошто при спарно време е напорно изведувањето и на најлесните и едноставни вежби.

• 
  6 вежби со стап и тегови за секси тело
  Боксот експлозивно согорува калории, а балетот размрдува мускули, а овие вежби се склоп од тоа. ...
• 
  Eva Mendes: „Самодовербата е секси“
  „Никогаш не ги нагласувајте вашите маани на никој, вклучувајќи се тука и себе.“ ...
• 
  Време е за здравје, време е за сауна!
  Просечната сауна сесија е околу 15-20 минути, внимавајте никако да не заспиете. ...