NotForMen

Не можете да ја мерите брзината на вашиот метаболизам според обемот на потењето.

Беспомошни седите во вашата фотелја со диеталниот оброк и песимистичката мисла дека таа згодна девојка има побрз метаболизам од вас и вие не можете да сторите ништо во врска со тоа. За вишокот на килограми ги обвинувате хормоните, а според обемот на вашето потење ја проценувате брзината на метаболизмот.

Ако се пронајдовте во ситуацијава, тогаш верувате во многу митови, време е да ги одгатнеме!

МИТ 1: Слабите луѓе имаат брз метаболизам.

Колку сте послаби, толку ви е побавен метаболизмот затоа што потребни ви се помалку калории за да ја одржувате вашата тежина.

Ако брз метаболизам е она што го посакувате, тогаш престанете да им завидувате на слабите манакенки и започнете на онаа мускулеста девојка од фитнес центарот.

Колку повеќе мускули имате, толку повеќе калории согорувате. Затоа многу е важно вашата диета да ја комбинирате со вежби.

МИТ 2: Накачив килограми, сигурно е до хормоните.

Погледнете ги своите навики пред да ги обвините хормоните. Бројот на луѓе кои имаат прекумерна тежина како резултат на проблеми на пример со тироидната жлезда е навистина мал, вели Adrian Dobs професор по медицина.

Вистината е дека ако вашата тироидна жлезда забави со производството на двата хормона вашиот метаболизам ќе забави и ќе накачите некој килограм. Но хипотироидизмот е навистина редок и често е придружен со симптоми како истоштеност и умор, па така поверојатно е вашиот вишок на килограми да се резултат на гените, лошата исхрана и недоволната физичка активност.

NotForMen препорака: 7 трикови за брз метаболизам и добра фигура

МИТ 3: Ако се чувствувам истоштено секое попладне, сигурно имам проблеми со метаболизмот.

Многу поверојатно е дека вашиот ручек е виновникот! Оброк полн со рафинирани јаглехидрати, какви што содржи белиот леб, ги зголемува нивоата на мозочната хемикалија која ве прави поспани.

Вие исто така брзо ги варите овие продукти богати со јаглехидрати што предизвикува нивото на шеќер да скокне и да падне повторно, што ја зголемува вашата потреба за дремка.

За долготрајна енергија подгответе си ручек богат со влакна, цели зрна и протеини, кои телото побавно ќе ги обработува.

МИТ 4: Обемното потење е еднакво на брз метаболизам.

Не можете да ја мерите брзината на вашиот метаболизам според обемот на потењето. Има бројни причини зошто можеби ви е потребен пешкир по вежбањето: топло е во фитнес центарот, гардеробата не впива пот или премногу се облековте кога надвор не беше толку студено.

Но еве ја добрата страна, ако се потите многу за време на вежбањето, значи давате се од себе и тоа ќе ви се исплати подоцна во мускулна маса.

• 
  6 вежби со стап и тегови за секси тело
  Боксот експлозивно согорува калории, а балетот размрдува мускули, а овие вежби се склоп од тоа. ...
• 
  Eva Mendes: „Самодовербата е секси“
  „Никогаш не ги нагласувајте вашите маани на никој, вклучувајќи се тука и себе.“ ...
• 
  Време е за здравје, време е за сауна!
  Просечната сауна сесија е околу 15-20 минути, внимавајте никако да не заспиете. ...