.gif)
Гонорејата е една од најчестите сексуално преносливи болести на кои се изложени младите луѓе. Не треба многу за да се пренесе, доволен е еден сексуален однос со инфицирано лице и веќе сметајте дека ја имате болеста.
Иако може да се издвојат, сепак не секое лице покажува идентични симптоми. Тие се разликуваат од човек на човек и секоја индивидуа различно ја доживува болеста. Голем број лица не се ни свесни дека боледуваат од гонореја бидејќи симптомите се занемарливи. Обично симптомите кај мажите се поагресивни за разлика од жените.
Женски симптоми... Но, за да бидете сигурни и да добиете претстава за болеста ќе ги издвоиме најчестите женски симптоми и нормално ќе ве опоменеме на задолжителна лекарска консултација.
Густ, жолтеникав или бел исцедок од вагината, најчесто со непријатен мирис.
Болка или печење при уринирањето.
Јаки болки за време на менструалниот циклус.
Болки во долниот дел на стомакот.
Машки симптоми... Кога веќе сме на темата убаво е да ги знаете и машките симптоми. Едукацијата е само еден чекор до брзата заштита.
Густ белузлав или жолтеникав исцедок од пенисот.
Печење или болки при мокрење или движење на стомакот.
Дијагноза... Симптомите сфатете ги како знак дека треба да посетите лекар, тие не се доволни за да поставите дијагноза сами. Единствено преку брис од цервиксот можете да бидете сигурни дека станува збор токму за гонореја.
Лекување... Сé досега лекувањето се одвива на база на антибиотици и инјекции. Но, по краткото истражување за болеста, налетавме на информацијата дека гонорејата станува отпорна на лековите. Засега единствено не е имуна на „спектономицин" и „сефтриаксон".
Зошто мора да се лекувате... Освен што сте потенцијален пренесувач, се излагате да направите дополнителни компликации. Болеста во напредната фаза се пренесува на репродуктивните органи и може да предизвика стерилитет и кај двата пола. Може да предизвика и проблеми со срцето, кожни заболувања, артритис или слепило.
-
Кондиломите се заразни генитални брадавици предизвикани од ХПВ вирусот. ... -
Дали можете да замислите воопшто да немате интерес за секс? David Jay говори за своето искуство. ... -
Ендометриозата со болни менструации е причина за неплодност кај секоја трета неплодна жена. ...
.gif)
