Во просек, менопаузата по природен пат доаѓа на 51 година
МЕНОПАУЗА: ЗА ШТО СТАНУВА ЗБОР?
Менопаузата го означува крајот на менструацијата. Тоа е нова фаза во животот на жената, но не и болест. Иако менопаузата е проследена со непријатни манифестации како ненадејни топлотни бранови што се чувствуваат по цело тело, ноќно потење, нервоза...исто така може да биде почеток на трансформација на жената на подобро намалувајќи ги ризиците таа да заболи од срце.
ШТО ПРЕДИЗВИКУВА МЕНОПАУЗА?
Вината за менопауза можете да им ја препишете само на годините. Менопаузата се смета за втор пубертет, време кога јајчниците го забавуваат својот процес за на крај воопшто да не исфрлаат јајце клетка во матката. Одредени медицински третмани и зафати може да го забрзаат доаѓањето на менопаузата. Туку мислиме на отстранување на јајчниците поради тумор, хемотерапија, и зрачење на карлицата. Но, отстранувањето само на матката, без јајчниците, може да не предизвика менопауза.
КОГА ЗАПОЧНУВА МЕНОПАУЗАТА?
Во просек, менопаузата по природен пат доаѓа на 51 година. Но, таа може да почне и многу порано. Мал број на жени влегуваат во фазата со само 40 години, а некои од нив ја дочекуваат дури во доцните 60-ти. Научно е докажано дека жените што пушат, многу рано почнуваат со менопаузата за разлика од непушачите. Сепак точното време на менопаузата не може да се предвиди. Настапувањето на менопаузата се потврдува откако жената нема да добие менструација 12 месеци по ред.
ШТО СЕ СЛУЧУВА ПРЕД МЕНОПАУЗАТА.
Природната менопауза се одвива постепено. Јајчниците не секнуваат веднаш, тие полека ја забавуваат својата работа. Транзицијата, додека целосно не настапи менопаузата се нарекува предменопауза. Таквиот период се карактеризира со нередовна и слаба менструација, но жената се уште е во состојба да забремени.
ПРОМЕНА ВО МЕНСТРУАЛНИОТ ЦИКЛУС: продолжено или скратено време на менструацијата, обилна или слаба менструација, намалување или зголемување на деновите помеѓу две менструации. (задолжително обратете се на лекар доколку периодите се зближат, доколку обилно крвавите и доколку менструацијата трае повеќе од недела)
ТОПЛОТНИ БРАНОВИ: го зафаќаат лицето и вратот, понекогаш оставајќи црвени дамки по кожата. Брановите обично траат од 30 секунди до 10 минути. Носете лесна облека, избегнувајте зачинета храна, вежбајте за да се ослободите од нервозата - тоа е спасот.
ПОТЕЊЕ ВО СПИЕЊЕТО: топлотните бранови во текот на ноќта често ќе ве оставаат без сон. Затоа практикувајте да спиете во постудена соба, не се покривајте со дебела постела, носете тенки пижами.
СЕКСУАЛНИ ПРОБЛЕМИ: намалениот есторген предизвикува сувост на вагината, што го прави сексуалниот чин неудобен и болен. Пробајте да користите лубриканти. Промената на либидото не ставајте ја само на сметка на менопаузата и запомнете менопаузата не ве прави имуни на сексуално преносливи болести.
ШТО ДА ОЧЕКУВАМЕ ВО МЕНОПАУЗАТА?
Секоја жена различно ја поднесува менопаузата. Некои жени ја доживуваат без позначајни компликации, а други доживуваат големи проблеми што го менуваат целото нивно секојдневие. Приспособувањето најтешко е за жените што не ја започнале менопаузата по природен пат, туку таа настанала како резултат на хируршки зафат и слично.
