Карциномот на вагината најчесто се манифестира со вагинално крварење или исцедок со непријатен мирис.
Најновиот број на Unique веќе ви е достапен на сите трафики ширум земјава, а внатре повторно ќе можете да ги решите сите дилеми поврзани со женското сексуално здравје. Доколку имате некој проблем што ви задава главоболка, НЕ ЧЕКАЈТЕ! Пишете ни на Оваа е-пошта е заштитена од spambots, треба да вклучите JavaScript за да ја видите , за да ги дознаете насоките од Др. Спец. Гин. акушер Лилјана Начевска.
Што прашувавте овој месец?
1. Наполнив 21 година, дали треба да почнам да посетувам гинеколог?
2. На последниот гинеколошки преглед ми открија миом. Исплашена сум и не знам кои се опасностите од појавата на миом и начинот на лекување.
3. Што е карцином на вагината и кои се симптомите?
Одговорите ве очекуваат на 96-та страна!
Ние ќе се задржиме на третото прашање...крајно време е да зборуваме за симптомите на оваа болест.
Карциномот на вагината е најредок гинеколошки малигном, тој учествува само со -3% од сите гинеколошки малигноми. Како и за другите карциноми, така и за карциномот на вагината, причините за негово јавување не се познати. Но, постојат одредени фактори на ризик, што ја зголемуваат можноста за појава на ова малигно заболување кај одредени жени.
Како докажани ФАКТОРИ НА РИЗИК за карциномот на вагината се:
Возраст - Староста е еден од факторите на ризик за карциномот на вагината. Колку што е жената во понапредната возраст, толку е поголем и ризикот за настанување на ова малигно заболување.
Инфекција со Human papilloma вирус - HPV инфекцијата што се пренесува по сексуален пат има улога на промотор во канцерогенезата.
Инфекција со HIV - HIV е вирус кој предизвикува СИДА. Жените со HIV имаат ослабен имунитет и поради тоа полесно го прифаќаат HPV вирусот кој од своја страна е одговорен за појавата на вагиналниот карцином.
Инфекција со Herpes simplex вирус (HSV) - Жените кои имале генитална херпес инфекција имаат нешто поголем ризик за развој на вагинален карцином.
Промени на клетките на вагината - Состојбата наречена VAIN (вагинална интраепителна неоплазија) е преканцерозна лезија, која може со тек на време да се развие во инвазивен карцином.
Пушење - Пушењето е фактор на ризик и за развој на цервикалниот карцином. Жените кои пушат имаат релативен ризик за цервикален карцином од 3.0.
СИМПТОМИ:
Карциномот на вагината најчесто се манифестира со вагинално крварење или исцедок со непријатен мирис. Може да почувствувате и печење во пределот на гениталиите. Крвавењето е симптом што не смеете да го занемарите, и е знак дека веднаш треба да појдете на преглед. Ако сте во менопауза неколку години и се јави крвавење, итно јавете се кај вашиот гинеколог. Ако туморот се прошири може да ги зафати и околните органи, а симптомите се соодветни на органот зафатен од туморот - објаснува Др. Лилјана.
Од општи симптоми, кои се знак за напреднат процес се: општа слабост, малаксаност, губење на апетит, слабокрвност, уремија и секундарни инфекции.
ДЕЛУВАЈТЕ ПРЕВЕНТИВНО!
Никој не може да предвиди кога некоја болест може да нападне, најчесто работите се случуваат преку ноќ, а свесноста почнува откако ќе се забележат првите симптоми. На наша среќа, денес работите не мора да ги оставаме случајноста.
Со откривањето на ПАПА тестот направен е голем напредок во раното дијагностицирање на карциномот на вагината и грлото на матката. Редовните брисеви се најефикасен начин за рано откривање на абнормалностите на клетките, што можат да бидат прв знак на карциномот. ПАПА тестот овозможува лекувањето да започне брзо и успешно.
