Пеглањето на долната облека го намалува ризикот од инфекции.
Жените најмногу внимание посветуваат на хигиената на лицето од причина што тоа е достапно за сиот надворешен свет. Но, негата на гениталиите не смеете да ја запоставите во никој случај. Женскиот полов орган е извор на голем број сексуално преносливи болести, иритации, инфекции кои понекогаш значат и смрт. Ако сте мајка, одвојте време да поразговарате со својата ќерка за тоа како се одржува хигиена на интимните делови. Децата обично знаат да влезат под туш и да излезат за 10 минути, обрнувајќи повеќе внимание на косата отколку на половиот орган. Еве како гласат правилата за интимна хигиена:
- НЕ МИЈТЕ СЕ СО КУПКА ЗА ТЕЛО
Кожата на телото има pH вредност 5,5 врз чија основа се произведуваат геловите за туширање и другите производи за нега на кожата. Од друга страна, интимните делови имаат карактеристична pH вредност 3,3. Што значи гелот за туширање не е соодветен за нега на интимните делови во спротивно може да дојде до развој на микроби и бактерии. За да бидете сигурни, користете средства наменети за интимна хигиена, проверувајте ја pH вредноста и избегнувајте ги парфимираните.
Дали вагината може да се мие само со вода?
Многу гинеколози сметаат дека чистата вода е сосема доволна. Вагината има своја природна заштита додека средствата само ја нарушуваат нејзината pH вредност. Жените кои претеруваат со геловите се изложени на ризик од повторување на последното воспалување.
- МЕНУВАЈТЕ ГИ ХИГИЕНСКИТЕ ВЛОШКИТЕ НА СЕКОИ 4 ЧАСА
Менструалната крв што се апсорбира во влошката може да предизвика развој на штетни бактерии. Денес постојат навистина квалитетни влошки што ја претвораат менструалната крв во гел, додека површината на влошката постојано е сува. Ваквите влошки значителни го намалуваат ризикот од развој на бактерии.
- МЕНУВАЈТЕ ГИ ТАМПОНИТЕ НА СЕКОИ 2 ЧАСА
Многу е важно тампонот да го ставате со измиени раце. Тампонот не смее да стои подолго од два часа бидејќи лесно доаѓа до развој на бактерии, а може да дојде и до појава на синдром на токсичен шок. Стручњаците советуваат дека тампоните не смеат долготрајно да се користат особено не кога одите на спиење. Најдобро е да ги користите во комбинација со влошки.
- РЕДОВНО МИЈТЕ ГИ ИНТИМНИТЕ ДЕЛОВИ
Миењето е исклучително важно за време на менструалните денови кога е покачен ризикот за развој на бактерии. Миењето се препорачува секој ден. Доколку сте на пат и немате каде да се измиете, освежете се со интимни влажни шамичиња. Тука не спаѓаат оние за деца или за бришење раце.
- КУПЕТЕ СООДВЕТНА ДОЛНА ОБЛЕКА
Танга гаќичките се навистина секси, но ограничете ја нивната употреба за специјални пригоди бидејќи се крајно нехигиенски. Врвката што постојано е вовлечена во задникот лесно може да ги пренесе бактериите од анусот на вагината. Слична е ситуацијата и со синтетичката долна облека, таа оневозможува кожата да дише и лесно предизвикува воспаление поради покачената влажност (кандида). Памучните гаќи се најдобар избор бидејќи овозможуваат циркулација. Особено се препорачуваат летно време.
