NotForMen

Потребата од безбеден секс е неминовна. Се послободните сфаќања го зголемуваат ризикот од сексуално преносливи болести, но и од непланирана бременост. Веќе знаете дека кондомот е единственото средство кое може да ви помогне против СПБ.

Додека пак против непланираната бременост, која може сериозно да го загрози психичкото здравје на една жена, може да користите и антибеби пилули. Но покрај позитивните кои се негативните страни од овој вид на контрацепција?

Како прво анти-беби пилулите се контрацепција, избор за младите жени и девојки, која задолжително треба да ја користите во комбинација со кондом како заштита од полово-преносливи болести, како шро споменваме.

Анти-беби пилулите се препорачуваат само за здрави жени, од првата менструација, па до 40-тата година од животот (и после 40та, но со редовна консултација со гинеколог). Исто така се препорачуваат за жени кои практикуваат чести сексуални односи, на оние кои имаат висок степен на страв во врска со можна бременост и кај жените на кои им е важен така наречениот неконтрацептивен позитивен ефект на пилулите (намален интензитет и должина на крварење, ублажување на тегобите во предменструалниот и менструалниот период).

Пред користење неопходна е консултација со лекар затоа што истите докажано имаат и свои ризици, особено ако се земаат без докторска препорака.

Негативни ефекти

Во почетокот на користењето најчесто девојките приметуваат точкасто крварење, главоболка, мачнина и напнатост на дојките. Овие тегоби спонтано поминуваат после неколку испиени пакувања.

Се вели дека анти-беби пилулите не се толку безбедни и нивна хронична употреба може да значи и никогаш да не забремените, проблеми со белите дробови, хормонална нестабилност и слично.

Интересни факти

Исклучително се корисни кај лекување на синдромот на полицистични јајници, болни менструации (дисфункционални крварења, обилни и продолжени циклуси, оскудни циклуси), рецидиви на функционални цисти на јајниците, синдром на предменструална напнатост, случаи на карциономи на овариумите итн.

Истражување објавено во British Medical Journal кое траело приближно 40 години и вклучува повеќе од 46.000 жени, откри дека користењето на орална контрацепција го продолжува животот со тоа што го спречува развојот на разни болести, меѓу кои и оние срцевите, како и разните видови на рак.

Во Македонија само 1,6 проценти од жените користат анти беби пилули како контрацептивно средство. Европскиот просек е 24 проценти од жените. Нај­мно­гу ан­ти­бе­би пи­лу­ли се упот­ре­бу­ва­ат во Бел­ги­ја, ка­де што стап­ка­та е над 40 проценти, а по­тоа сле­ду­ва­ат Фран­ци­ја, Гер­ма­ни­ја, Хо­лан­ди­ја и Пор­ту­га­ли­ја.

На дното на листата се руските жени, кои најмалку корисат заштита.

Спо­ред нај­но­ви­те свет­ски ис­тра­жу­ва­ња, же­ни­те во зем­ји­те во раз­вој, кои не пла­ни­ра­ат бре­ме­ност и ко­рис­тат кон­тра­цеп­ци­ја, се во мож­ност да спре­чат 187 ми­ли­о­ни неп­ла­ни­ра­ни бре­ме­нос­ти, 60 ми­ли­о­ни неп­ла­ни­ра­ни по­ро­ду­ва­ња, 2,7 ми­ли­о­ни смрт­ни слу­чаи на до­ен­чи­ња, 215.000 смрт­ни слу­чаи по­вр­за­ни со бре­ме­нос­та и 685.000 де­ца да ги за­гу­бат сво­и­те мај­ки ка­ко ре­зул­тат на при­чи­ни по­вр­за­ни со бре­ме­нос­та.