.gif)
Исто така има мал ризик од синдром на токсичен шок доколку го носите тампонот повеќе од 8 часа.
Можеби и вие сте љубителка на тампоните и секогаш ви се на првото место во трката со влошките при заштита за време на вашиот менструален циклус или пак најмалку барем еднаш биле вашиот „спас“ за време на летниот одмор.
Практични се и имаат многу позитивни страни, тврдат многу жени кои редовно ги користат, но дали сте знаеле дека неправилната употреба на тампоните е фактор број еден за појавата на т.н. синдром на токсичен шок?
Причини:
Користењето на т.н. тампони со поголема моќ на впивање и тампони кои содржат синтетични влакна, како рајонот, го зголемуваат ризикот.
Исто така има мал ризик од синдром на токсичен шок доколку го носите тампонот повеќе од 8 часа. Ако сте љубителка на тампоните, сепак препорачливо е да носите влошка еднаш на ден, кога спиете на пример, особено ако имате навика да спиете повеќе од тие 8 часа.
Само со правилна постапка нема да дојде до инфекции, посебно до овој синдром, а правило број еден е да се менуваат тампоните на секои три часа.
Тинејџерките и жените до 30-тата година се позагрозени од овој синдром во однос на постарите жени. Токсичен шок има мали шанси да се јави и кај децата и мажите што имаат намален имунитет.
Симптоми:
Синдромот се манифестира со главоболка, болка во грлото, болки во мускулите, висока телесна температура, дијареа, мачнина, повраќање и кожни манифестации во вид на црвени дамки слични на изгореници од сонце. Симптоми на синдромот може да бидат и мошне низок крвен притисок, губење свест, конфузно однесување или акутно воспаление на бубрезите.
Ако се посомневаме дека имаме два или повеќе од симптомите на синдромот токсичен шок, веднаш треба да побараме лекарска помош за да се дијагностицира заболувањето и да се преземат соодветни мерки. Понекогаш е потребна и хоспитализација.
Појава:
До токсичен шок доаѓа, откако бактеријата „ Staphilococcus auerus“ ќе поизведе отров кој се шири преку крвта и ги напаѓа сите органи. Овој синдром е редок, но опасен.
Синдромот на токсичен шок е сериозна состојба, која се манифестира кај луѓе што имаат слаб имунолошки систем.
Се јавува неочекувано и е последица од труење на организмот со оваа бактерија. Овој вид бактерии понекогаш создаваат и лачат една супстанцијата, која ги оштетува обвивките на клетките и создава здравствени проблеми.
Историјат:
Синдромот на токсичен шок е ретка, но потенцијално смртоносна болест која се поврзува со употребата на тампони, а која за првпат е идентификувана во 1980 година, кога извесен број на смртни случаи се поврзал со употребата на еден вид на тампони со голема моќ на впивање, кои набрзо биле повлечени од продажба. Се проценува дека во периодот 1990-2000 год. во Белика Британија се случиле 22 смртни случаи предизивкани од употреба на тампони.
-
Кондиломите се заразни генитални брадавици предизвикани од ХПВ вирусот. ... -
Дали можете да замислите воопшто да немате интерес за секс? David Jay говори за своето искуство. ... -
Ендометриозата со болни менструации е причина за неплодност кај секоја трета неплодна жена. ...
.gif)
