.gif)
Истражувањата покажуваат дека овој начин за заштита од несакана бременост е најомилен во Италија.
Страстите со вашиот партнер ненадејно се разгореа, а во фиоката го нема оној последен кондом на кој се надевавте. Жешката атмосфера повторно ве натера на таа одлука и овој пат прекинувањето на сексуалниот однос да го искористите како метод на контрацепција.
Овој начин на контрацепција се практикува уште од времето на Хебрејците. Сексуалниот чин се прекинува во моментот кога се приближува ејакулацијата, а машкото се трга и ејакулира по партнерката или поред неа.
Ризикот е голем
Но од сите методи на контрацепција, ова е оној на кој најмалку смеете да се потпрете. Во дури 20 проценти од случаите тој е неуспешен. Главна причина за ова е предсемената течност која се излачува во текот на половиот однос, без мажот да биде свесен за тоа и без да се обиде да ги задржи сперматозоидите.
Бројот на сперматозоиди во оваа течност е уште поголем ако мажот неодамна ејакулирал и секој од нив може да се упати на пат кон матката пред вашиот партнер да доживее оргазам. Освен тоа, при користењето на прекинот на сексот како метод на контрацепција потребна е голема способност за самоконтрола кај мажот. Младите и неискусни машки често во моментот на екстаза не се повлекуваат на време.
Италијаните го обожаваат
Истражувањата покажуваат дека овој начин за заштита од несакана бременост е најомилен во Италија, Турција и во западна Азија, а со текот на годините неговата актуелност опаѓа за сметка на се поголемиот број нови контрацептивни средства.
Едно истражување во Иран покажало дека подрачјата каде се применува овој метод немаат поголем процент на наталитет, бидејќи за тоа има многу дополнителни фактори како женскиот циклус за време на кој варира плодноста.
За и против
Предноста на оваа техника е што двајцата партнери можат да искусат потполно задоволство, но и подоцна и да ги споделат фрустрациите за ненавременото прекинување на половиот однос и несаканото зачнување.
Сигурно и вие сакате вашиот партнер да остане во вас што повеќе, а тоа може страшно да го занесе.
Предност е и тоа што нема внесување дополнителна количина на хормони во женското тело, како што е случајот со контрацепциските таблети на пример или пак можноста за предизвикување на алергија од кондомот.
Лошата страна е тоа што не сте заштитени од сексуално преносливи болести..
Што кога е предоцна?
Сперматозоидите во семената течност се движат многу брзо и веднаш допираат до женските јајце клетки. Можноста за бременост е многу голема во средината на циклусот, односно во времето на овулацијата, па затоа било каква мерка после неуспешното прекинување на односот најверојатно ќе биде неуспешна. Испирањето со вода потоа, па дури и со лимонов сок како што велат некои, е повеќе од сигурно дека ќе биде неуспешно.
-
Кондиломите се заразни генитални брадавици предизвикани од ХПВ вирусот. ... -
Дали можете да замислите воопшто да немате интерес за секс? David Jay говори за своето искуство. ... -
Ендометриозата со болни менструации е причина за неплодност кај секоја трета неплодна жена. ...
.gif)
