NotForMen

Контактот кожа со кожа е доволен за ширење на ХПВ, вирус од фамилијата која предизвикува генитални брадавици.

Можеби сте мирни кога вашиот сексуален партнер ќе го навлече кондомот на себе, но сепак опасноста е секогаш тука! Иако против некои сексуално преносливи болести кондомот е 100 процентно ефикасен, постојат и такви пред кои тој е немоќен.

Срамните вошки не знаат за „стоп“, а и генитални брадавици можат да се пренесат со допир на кожата. Информирајте се!

Генитални брадавици (ХПВ)

Не мора да имате секс за да добиете сексуално пренослива болест. Контактот кожа со кожа е доволен за ширење на ХПВ, вирус од фамилијата која предизвикува генитални брадавици.

Некои видови предизвикуваат брадавици и обично се безопасни, но некои можат да доведат до карцином на грлото од матката или анусот. Вакцините може да заштитат против некои од најопасните видови.

Симптоми: Брадавици во розова или месо боја кои се покренати, рамни или со форма на карфиол. Често не се појавуваат симптоми.

NotForMen препорака: Високоризичен Хуман Папилома Вирус (ХПВ)

Срамни вошки

Срамни вошки е термин кој ги означува вошките, кои се јавуваат во пределот на срамните влакна. Овие мали паразити лазат од еден до друг човек и можат да се убијат со специјални лосиони.

Симптоми: Интензивно чешање, ситни јајца закачени за срамните влакна или вошки кои лазат.

Шуга

Шуга е иритирачка инфекција предизвикана од мало црвче, кое влегува во човечката кожа и положува јајца. Тоа не е секогаш сексуално пренослива болест, но кај младите често се пренесува за време на секс. Шугата се третира со специјална крема.

Симптоми: Интензивно чешање, особено навечер и осип. Потребно е 2 до 6 недели за да се појават симтомите.

Трихомонијаза

Трихомонијазата е предизвикана од паразит, кој се шири за време на сексуалниот контакт. Може да се излечи со специјални лекови.

Симптоми: Кај мажите најчесто нема очигледни симптоми, само кај некои може да се јави мало празнење или чувство на печење при уринирањето. Додека пак кај жените се јавува жолто-зелено празнење со силен мирис, чешање на вагината или болка за време на сексот или урнинирањето. Симптомите вообичаено се јавуваат 5 до 28 дена по заразата со паразитот.

Дознајте некои факти околу сексуално преносливите болести и кондомите:

До 25 годишна возраст, половина од сексуално активните луѓе добиваат сексуално пренослива болест.

1 / 3

• 
  Заразни генитални брадавици: Kондиломи
  Кондиломите се заразни генитални брадавици предизвикани од ХПВ вирусот. ...
• 
  Асексуалност: Нарушување или сексуална ориентација?
  Дали можете да замислите воопшто да немате интерес за секс? David Jay говори за своето искуство. ...
• 
  Ендометриозата – причина за неплодност кај третина од жените!
  Ендометриозата со болни менструации е причина за неплодност кај секоја трета неплодна жена. ...