.gif)
За спречување на ширењето на мононуклеозата треба да се избегнува контакт со плунка на индивидуи кои од неодамна прележале мононуклеоза
Мононуклеозата е заразна болест, а се вика уште и болест на бакнување. Во 90% од случаите најчесто е предизвикана од Епштајн – Баровиот вирус, тип на херпес, или во останатите 10 % од цитомегаловирусот.
Обично се пренесува со бакнување и контакт со предмети заразени со плунка.
Вирусот во домаќинот останува доживотно, првите 18 месеци после инфекцијата се излачува со плунката, а после тоа повремено.
Кај децата протекува како бенигна болест, обично без симптоми, а кај возрасните, доколку се заразат, кај 25-75% се развиваат симптоми на оваа болест.
СИМПТОМИ:
Четири до осум недели после инфекцијата се појавуваат првите симптоми: малаксаност, губиток на апетитот и треска, после кои се јавува воспаление на грлото, температура, и зголемување на лимфните јазли.
Воспалението на грлото е интензивно во првите 5-7 дена, а во наредните 7-10 дена се намалува.
Зголемената температура обично трае 7-14 дена, но понекогаш може да потрае и подолго.
Лимфните јазли се смалуваат во тек на 3 недели.
Заморот е најтврдокорниот симптом. Повеќето од болните се чувствуваат доволно добро за да се вратат во школо или на работа, но понекогаш со месеци можат да чувствуваат исцрпеност, намалена концентрација, и неможност за извршување на секојдневните активности.
Компликациите кај оваа болест не се чести, меѓутоа можат да бидат драматични, и да станат доминантна манифестација на болеста.
NotForMen препорака: 9 непознати за бакнувањето
ТРЕТМАН:
Се препорачува мирување, пиење на поголеми количини на течности, по потреба земање на лекови кои ја намалуваат телесната температура.
За спречување на ширењето на мононуклеозата треба да се избегнува контакт со плунка на индивидуи кои од неодамна прележале мононуклеоза, да се одржува висок степен на хигиена и да не се делат работи кои се ставаат во уста.
Покрај горе преку споменатите симптоми мононуклеозата најчесто се дијагностицира и со лабораториски наод и тоа преку проверка на леукоцитите, ако се во зголемен број.
Според изјавата на менаџерот на Роџер Федерер, Тони Годсик, светскиот рекет број еден во текот на првиот Гренд Слем турнир му била откриена мононуклеоза.
ШИРЕЊЕ:
Мононуклеозата е заразна болест, па така заболените можат да заразат луѓе кои претходно немале мононуклеоза. Повеќето луѓе ја добиваат на возраст од 15 до 25 години.
На почетокот луѓето кога ќе се заразат со вирусот не се чувствуваат лошо, па така некој може да има мононуклеоза да ја шири, а да не знае за тоа. Заболените треба да ги мијат рацете веднаш по кивање и да користат сопствен прибор за јадење. И без бакнување неколку месеци, бидејќи за време на инфекцијата и неколку недели по исчезнувањето на симптомите заболениот може многу лесно да ја пренесе болеста.
Но многу луѓе биле изложени на оваа болест како деца и поради тоа развиле имунитет за вирусот, па така поголемиот дел од изложени на мононуклеоза не заболуваат.
Бидејќи и здравите луѓе во периоди од животот го лачат овој вирус не е потребно да се изолираат, тие всушност се најголемите преносители на овој вирус.
-
Кондиломите се заразни генитални брадавици предизвикани од ХПВ вирусот. ... -
Дали можете да замислите воопшто да немате интерес за секс? David Jay говори за своето искуство. ... -
Ендометриозата со болни менструации е причина за неплодност кај секоја трета неплодна жена. ...
.gif)
