НАРОДЕН НАЗИВ...КРМАС
Станува збор за растение што дава ситни црни плодови, многу потсетува на рибизла, а кај нас народски го викаат крмас. Расте како гроздови во вид на грмушка. Можете да го најдете на пазар најчесто на тезгите со чаеви.
ШТО ОТКРИВМЕ ЗА НЕГО?
ИСТРАЖУВАЊЕ...Во епрувета во која бил чуван вирус на грип бил додаден екстракт од крмас. Се покажало дека екстрактот има моќ да го блокира вирусот. Во друго истражување во кое биле вклучени луѓе, се покажало дека со помош на сокот од крмас тие побрзо оздравеле од грипот.
ИСТОРИЈА...неговиот сок го пиеле речиси сите народи од Америка, па сè до Европа. Овошјето најмногу се прочуло откако им помогнало на илјадници луѓе зафатени од епидемијата на грип во Панама 1995 година.
ШТО СОДРЖИ?
Органски пигменти, танин, флавониди, аминокиселини, каротен, витамин А,Б, а најмногу Ц. Тој е најдобриот антиоксиданс што помага во одржувањето на холестеролот во крвта, го подобрува видот, работата на срцето, а особено го јакне имунолошкиот систем. Народите го користеле најмногу за подобрување на крвната слика и за лекување од настинки и инфекции.
ЗА ШТО СЕ КОРИСТИ ДЕНЕС?
Освен за подобрување на одбранбената функција на организмот, крмасот наоѓа сè поголема улога во исхраната на луѓето болни од рак. Сето тоа произлезе откако научниците излегоа со фактот дека ова овошје ги штити клетките од оштетување.
