Континуираното консумирање сува храна може да предизвика тврда столица
Со исхраната на телото му овозможуваме да биде стабилно, издржливо и отпорно на некои надворешни и внатрешни влијанија што можат да го нарушат нашето здравје. Преку внесувањето минерали, витамини, белковини и други елементи, го задоволуваме секој дел од телото и му овозможуваме непречен развој.
Ние ви нудиме неколку неизбежни и корисни продукти, што морате да ги внесувате доколку сакате да извлечете од нив дополнителна корист и да бидете здрави:
СПАНАЌ
Спанаќот е производ богат со вода, има ниска енергетска вредност и е лесно сварлив. Во спанаќот има 2,2% белковини, 3,9% јаглехидрати и 0,3% масти. Најголема вредност на спанаќот е во богатството на минералите и витамини. Содржи фолна киселина, витамини А и Ц, железо, магнезиум манган, рибофлавин, витамини Б6 и Е, калциум и калиум. Многумина не го сакаат, меѓутоа спањакот е важен посебно за машките. Го поттикнува сексуалното возбудување, го чува здравјето на срцето, помага во изградбата на мускулите, коските и го штити видот.
ЈОГУРТ
Јогуртот помага во борбата против туморите, во изградбата на коските, го зајакнува имунитетот... Посебно се здрави пробиотичните јогурти што имаат во себе здрави бактерии. Јогуртот е вистинска мала ризница на протеини, витамини и минерали. Тој е одличен извор на калциум, што е одговорен за растот, развојот и одржувањето на коските во било кој животен период. Јогуртот има многу важна улога и во превенцијата од остеопороза.Само јогуртот кој содржи жива јогуртна култура помага во одржувањето на чувствителната рамнотежа на цревната микрофлора.
ХРАНЕТЕ СЕ РЕГУЛАРНО!
Се препорачува 3 главни оброци и два споредни, со чиј распоред се постигнува подолга ситост и побрзо работење на метаболизмот.
ДОМАТИ
Неговите плодови се богати со витамин Ц, каротин, витамин Б1 и витамин Е. Покрај витамините, во него се среќаваат и значајни количества на манган, железо и бакар. Доматите помагаат во борбата против туморите, го зајакнуваат имунитетот, го чуваат здравјето на кардиоваскуларниот систем. За доматите е важно да се знае дека преработените се еднакво здрави како и свежите.
МОРКОВИ
Морковот во себе содржи многу витамини и минерали, а поради антиоксидативното дејство, многу поволно делува на организмот. Тој ја зголемува природната одбрамбена отпорност на организмот, односно го зајакнува имунитетот. На тој начин, морковот е природен лек кој помага при многу заболувања и патолошки состојби. Морковите го чуваат видот здрав и помагаат во борба против ракот.
