За жените под 50 години се препорачува 25 грама растителни влакна дневно, а за оние над 50 години, околу 21 грам
Веројатно сте свесни за важноста на продуктите богати со растителни влакна и како тие влијаат врз вашето здравје. Но, дали вам навистина ви се потребни повеќе растителни влакна во вашата исхрана и како да го препознаете недостатокот од растителни влакна во вашиот организам? Телото е способно само да сигнализира кога има недостиг од растителни влакна.
Растителните влакна можете да ги внесете скоро со секое овошје или зеленчук, лебот и тестенините, житариците и кафениот ориз. За жените под 50 години се препорачува 25 грама растителни влакна дневно, а за оние над 50 години, околу 21 грам. Еве неколку сигнални знаци дека организмот е осиромашен со овие важни хранливи материи:
ТЕГОБИ И БОЛКИ ВО СТОМАКОТ
Ако вашите црева се навикнати на одредена работа, тоа не значи дека сте потполно здрави. Храната богата со растителни влакна помага во работата на цревата. Ако често страдате од тврда столица, тоа значи дека веројатно не јадете доволно продукти кои содржат растителни влакна. Лицата кои често имаа пролив, исто така треба да консумираат продукти кои се богати со овие хранливи материи, бидејќи растителните влакна ја апсорбираат водата од организмот.
ЗГОЛЕМЕН ХОЛЕСТЕРОЛ
Зголеменото ниво на холестерол во организмот може да биде резултат на повеќе предизвикувачи, но не треба да се изненадите ако ваквата состојба е предизвикана од недостатокот на растителни влакна во вашиот организам. Овие влакна го намалуваат холестеролот, ги смируваат воспалените процеси и го намалуваат крвниот притисок
ЗГОЛЕМЕНО НИВО НА ШЕЌЕР ВО КРВТА
Продуктите богати со овие хранливи материи се благодат за дијабетичарите бидејќи го забавуваат апсорбирањето на шеќерот во крвта, што значи дека со консумирањето на растителните влакна, шеќерот во крвта се стабилизира. Исто така, вклучувањето на растителните влакна во секојдневната исхрана го смалува ризикот од дијабетес.
ДЕБЕЛИНА
Вишокот на килограми исто така може да сигнализира дека во исхраната треба да ги вклучите растителните влакна. Секако, најпрво треба да ја намалите и големината на порциите кои ги внесувате во организмот. Зошто е сето тоа потребно? За почеток, треба подолго да ја џвакате храната, со тоа ќе успеете побрзо да се заситите. Дури и ако јадете еднаква количина на храна, но збогатена со растителни влакна, ќе почнете да губите килограми, бидејќи храната богата со овие хранливи материи содржи помалку калории по грам.
