Она по што грејпфрутот се разликува од останатите овошја е изобилството на витамин Ц
СОСТАВ НА ОВОШЈЕТО:
Она по што грејпфрутот се разликува од останатите овошја е изобилството на витамин Ц, само половина грејпфрут е доволно за да се задоволи дневната потреба. Но, тука не завршува неговата витаминска вредност, грејпфрутот изобилува и со витамин А и Б. Од минералите се застапени: магнезиум, манган, железо, калиум, фосфор.
ПРИДОБИВКИ ОД ОВОШЈЕТО:
Намалување на телесната тежина - освен неверојатна свежина, сокот од грејпфрут создава чувство на ситост, информација што сигурно ќе им се допадне на девојките што се обидуваат да ослабат. Овошјето содржи многу малку натриум, а е богато со вода и ензими за согорување на мастите. Ваквата комбинација на состојки го забрзува метаболичниот процес, а со тоа и согорувањето на масните наслаги. Со оглед на тоа што сме на прагот на пролета, оваа година вашата детоксикација сторете ја задолжително со грејпфрут - совет од лекарите.
Намалување на холестеролот - грејпфрутот, особено црвениот, изобилува со антиоксиданси што влијаат на намалување на лошиот холестерол, односно на триглицеридите во крвта. За ваквото дејство на овошјето постојат и научни факти.
Намалување на симптомите на артритисот - салицилната киселина, присутна во грејпфрутот, го разложува неорганскиот калциум што се таложи во зглобовите. Редовното пиење сок од грејпфрут, несомнено ќе го олесни артритисот.
Искористување на коензимот Q 10 - коензимот Q 10 му е потребен на организмот за производство на енергија, но познато е дека го штити срцето од удар и ангина пекторис. Според истражувањата, сокот од грејпфрут овозможува двојно искористување на коензимот.
ИМА САМО ЕДНА МААНА: сокот од грејпфрут може да има негативен ефект во комбинација со некои лекови (лекови за алергии, депресија, анксиозност, ХИВ, висок крвен притисок). Доколку примате било каква терапија од овој тип, консултирајте се со вашиот доктор пред да консумирате грејпфрут.
РАЗЛИКА ПОМЕЃУ ЦРВЕНИОТ И ЖОЛТИОТ ГРЕЈПФРУТ!
Нутритивниот состав покажува дека црвениот грејпфрут е поздрав од жолтиот, бидејќи содржи повеќе антиоксиданси, калиум, фолна киселина, магнезиум и витамин А.
