NotForMen

Салатата од туна е една од наједноставните, најбрзите и највкусните салати.

Доколку после напорниот ден на работа, готвењето не ви е на листата со желби, а здравиот оброк главен приоритет, направете ја следнава салата со која ќе ги примите сите потребни витамини, а ќе останете заситена и задоволна подолго време.

Салатата од туна е една од наједноставните, најбрзите и највкусните салати. Може да се послужи како оброк, но исто така и како закуска.

Што е потребно за овој рецепт:

2-3 домати

2 зелени пиперки

Една рака спирални тестенини или макарони

2-3 јајца

1 голема конзерва со туна

малку мајонез
сол
бибер
магдонос
лук (по избор)

Како да ја подготвите салатата?

Сварете ги јајцата и тестенините и потоа оставете ги да се оладат целосно. Потоа јајцата исечете ги на четвртини.

Исцедете го маслото од туната, а зеленчукот исечете го на поголеми парчиња.

Измешајте го мајонезот со туната, додајте сол и бибер по желба, ставете го ситно исечканиот магдонос и лукот (доколку се одлучите да ставите) и сето тоа помешајте го со тестенините.

Во направените тестенини додајте ги јајцата и зеленчукот.

Лукот одлично ќе се вклопи во салатата и ќе им даде посебен вкус на туната и јајцата.

Кој ви кажал дека готвењето е тешко? Само терба да имате желба да го направите лесно и креативно.

• 
  Цвекло, зеленчук од рајот!
  Време е омилениот зеленчук  на Catherine Zeta Jones да пристигне и на вашата трпеза. ...
• 
  Како да заштедите при пазарувањето во супермаркет?
  Пишувањето на листа неопходни продукти ќе го спречи импулсивното купување во супермаркетот. ...
• 
  Тајната како да го сакате своето тело!
  Дури 47% од жените кажале дека најсуровите коментари за својот изглед ги добиле од семејството. ...