NotForMen

Некои прехрамбени продукти, сами по себе, се многу здрави, но доколку се консумираат во комбинација со други тие може да биде вистинска замена за одреден лек и да бидат благодат за вашето тело.

Еве три комбинации на прехранбени продукти кои помагаат при тешкотии со варењето, намалување на ризикот од рак и во борбата со стресниот ПМС.

Јогурт + ленено семе = за подобро варење

Кога ќе се наруши нормалната цревна флора односно лошите бактерии стануваат побројни од добрите, варењето на храната станува побавно, а органите за варење стануваат помрзеливи. Видовите на јогурт кои се специјално наменети за подобрување на здравјето на дигестивниот систем помагаат во снабдувањето на организмот со пробиотици, добри бактерии, кои процесот на варење на храната го враќаат во нормален тек.

Пробиотиците се хранат со пробиотици- посебен вид на влакна, кои ги има во намирници како што е лененото семе. Со консумација на овие 2 продукта заедно се задржува здравата рамнотежа во органите за варење.

Рецепт: Една лажица ленено семе се додава во пробиотички јогурт. За поегзотичен овошен рецепт, во пробиотичкиот јогурт додадете парчиња овошје и посипете ги со ленено семе.

Зелен чај + сок од лимон = против рак

Зелениот чај е најголемиот извор на антиканцерогени материи, катехини. Меѓутоа, додека овие хранливи состојки се моќни борци против ракот, истовремено едвај преживуваат во желудникот. Само 20 проценти од вкупниот број на внесени катехини успеваат да го преживеат дигестивниот процес и да придонесат кон зачувување на здравјето на организмот.

Рецепт: Во зелениот чај додадете сок од лимон бидејќи тој ќе ја зголеми моќта на издржливост на катехините по варењето 13 пати.

Броколи + јајца = помалку стресен ПМС

Броколите се богати со една од најлесно апсорбтивните форми на калциум, кој го има во храната, додека пак јајцата се еден од најдобрите природни извори на витаминот Д. Според истражувањата пак жените чиј организам троши најмногу калциум и витамин Д има помала веројатност да страдаат од напади на мрзоволност во деновите пред менструацијата и претставува природен лек за ПМС.

Рецепт: Пригответе си омлет со броколи, нема ништо поздраво од оваа вкусна комбинација.